“Leykers”in forvardı Lebron Ceyms axır ki klubla yeni müqavilə bağlayıb.

Bununla bağlı xəbəri MBA-nın rəsmi saytı yayıb. 39 yaşlı amerikalı ilə müqavilənin müddəti açıqlanmayıb. Ancaq media ikiillik, dəyəri 104 milyon dollar olan müqavilədən danışır.

2018-ci ildən “gölməçəsevərlər”in şərəfini qoruyan Lebron “Klivlend” və “Mayami”də də çıxış edib. O, dördqat MBA, ikiqat olimpiya çempionudu.

Bu arada “Leykers” mövsümlərarası Yay liqası çərçivəsində “Sakramento”ya 94:108 hesabıyla uduzub. Lebronun oğlu Bronni Los-Anceles təmsilçisinin heyətində debüt edib. 19 yaşlı basketbolçu 22 dəqiqə oynayıb. Onun ötən ay draft olunduğunu bilirsiz.