Rikkardo Kalafyori qitə çempionatından sonra klubunu dəyişə bilər.

“Real” rəhbərliyi İtaliya yığmasının müdafiəçisi ilə maraqlanır. “La Gazzetta dello Sport”un məlumatına görə, İspaniya klubu 22 yaşlı futbolçu uğrunda “Yuventus”la rəqabət aparmalıdı. Çünki Turin klubunun yeni baş məşqçisi Tyaqo Motta “Bolonya”da sərəncamında olan Rikkardonu yeni komandasında görmək istəyir.

“Bolonya”rəsmilərindən biri mərkəz müdafiəçisini 40 milyon avrodan aşağı qiymətə satmayacaqlarını bildirib. Xatırladaq ki, gənc futbolçu A seriyasının son mövsümündə meydana çıxdığı 30 matçda 2 qolun və 5 məhsuldar ötürmənin müəllifi olub.