Türkiyənin 1-ci liqa təmsilçisi “Kocaelispor” yeni mövsümün hazırlığına start verib.

“Football-plus.az”ın məlumatına görə, millimizin üzvü Ramil Şeydayevin komandasının 2024/25 “futbol ili”ndəki hədəfi superliqaya yüksəlmək olacaq.
Bu məqsədlə bir araya gələn komanda bu gün saat 19.00-da ilk məşqə çıxacaq. İyulun 5-nə qədər öz düşərgəsində məskunlaşacaq komanda iki gün istirahətdən sonra, yəni 8-də Boluya yollanacaq. Təlim-məşq toplanışının bu mərhələsinə 17-də yekun vuracaq “yaşıl-qaralar” iki gün dincəlib 19-dan etibarən Düzcə Topuk Yaylasına “köç edəcək”. Kollektivin burda bir neçə yoldaşlıq oyunu keçirəcəcəyi gözlənilir.

Yeri gəlmişkən, Kocaelispor təmsilçisi iki müdafiəçi - Yusif Abdioğlu və Atabəy Çiçək ilə yollarını ayıracaq. “Özgür Kocaeli” nəşrinin iddiasına görə, baş məşqçi Ərtoğrul Sağlam futbolçulara yeni klublarla danışıq aparmağı tövsiyə edib.

KƏNAN BAHADIR