D qrupu
N 5. Polşa – Niderland 1:2 (1:1)

1. Voytsex Şçensnı
14. Yakub Kivyor
2. Bartoş Salamon
(18. Bartoş Bereşinski, 86)
5. Yan Bednarek
21. Nikola Zalevski
10. Pyotr Zyelinski (k)
(6. Yakub Petrovski, 78)
13. Taras Romançuk
(24. Bartoş Sliş, 54)
20. Sebastyan Şimanski
(8. Yakub Moder, 46)
19. Pşemislav Frankovski
26. Kasper Urbanski
(8. Karol Sviderski, 55)
16. Adam Buksa

Ehtiyat oyunçular
12. Lukaş Skorupski
22. Martsin Bulka
3. Pavel Davidoviç
4. Sebastyan Valyukeviç
9. Robert Levandovski
11. Kamil Qrositski
15. Timoteş Puxaç
17. Damian Şimanski
23. Kşiştof Pyontek, 83)
25. Mixal Skuras
Baş məşqçi: Mixal Probej

1. Bart Verbrüggen
5. Natan Ake
(15. Mikki van de Ven, 87)
4. Vircil van Diyk (k)
6. Stefan de Vrey
22. Denzel Dyumfris
16. Coui Verman
(8. Corcinyo Viynaldum, 62)
24. Yerdi Sxuten
11. Kodi Qakpo
(12. Ceremi Frimponq, 81)
14. Ticani Reynders
7. Xavi Simons
(18. Doniell Malen, 62)
10. Memfis Depay
(9. Vut Veqhorst, 81)

Ehtiyat oyunçular
13. Yustin Beylov
23. Mark Flekken
2. Lutşarel Geertröyda
3. Matteys de Liqt
17. Deyli Blind
19. Brayan Brobbi
20. Yan Maatsen
21. Coşua Zirkzee
25. Steven Berqveyn
26. Rayan Qravenberx
Baş məşqçi: Ronald Kuman

Qollar: A.Buksa, 16 (1:0). K.Qakpo, 29 (1:1). V.Veqhorst, 83 (1:2).
Vərəqə: Coui Verman, 15 - sarı.
Hakimlər: ARTUR DİAŞ, Paulo Soareş, Pedro Ribeyro (hamısı Portuqaliya).
VAR hakimləri: Tyaqo Martinş (Portuqaliya), Kristian Dingert, Marko Frits (hər ikisi Almaniya).
16 iyun. Hamburq. “Folksparkştadion” stadionu. 48117 tamaşaçı (49000 yerlik).
Birinci hissəyə 1, ikinci hissəyə 5 dəqiqə əlavə olunub.
Oyunun ən yaxşısı: Kodi Qakpo.

oyunun statistikası
11 (7) qapıya (“çərçivə”yə) zərbə 20 (4)
10 qayda pozuntusu 8
3 künc zərbəsi 6
2 ofsayd 0
0 (0) sarı (qırmızı) vərəqə 1 (0)
35 topa sahibolma (faizlə) 65
283 (227) ötürmə (dəqiq) 580 (523)
114,9 məsafə (km) 108,9

Komandalar yaxın keçmişdə Millətlər Liqasının seçmə turnirində dörd dəfə qarşılaşmışdılar. 2020 və 2022-ci illərdə baş tutan matçlardan üçü Niderland yığmasının qələbəsi ilə nəticələnmiş, bir oyun isə heç-heçə başa çatmışdı. Deməli, Hamburqda keçiriləcək matç polşalılar üçün həm də həmin məğlubiyyətlərin əvəzini çıxmaq fürsəti olacaqdı. Amma bu da var ki, slavyanlar tanış rəqiblə oyuna hücumda ciddi itkilərlə çıxacaqdılar. Belə ki, aparıcı forvardlardan Milik zədələndiyi üçün Almaniyaya gətirilməyib, 82 qolla yığma tarixinin ən yaxşı bombardiri olan Levandovski isə eyni səbəbdən ilk dəqiqələrdən oynamaq şansını itirmişdi. Onun adı matç üçün iştirak ərizəsinə daxil edilsə də, baş məşqçi Mixal Probej Robertin səhhəti ilə riskə getməyi lazım bilmədi.

Rəqiblər arasında son illər baş tutan oyunlardakı tendensiya davam etdi. Hərçənd bu dəfəki görüş niderlandlılar üçün çox çətin keçdi. Onlar start fitindən sonra təşəbbüsə yiyələnsələr də, 16-cı diqiqədə hesabda geri düşdülər. Amma Buksanın qolu “narıncılar”ı heç də ruhdan salmadı. Bir neçə yaddaqalan hücum təşkil edən Ronald Kumanın komandası 29-cu dəqiqədə Qakponun qolu ilə hesabı bərabərləşdirdi.

Fasilədən sonra oyunun dinamikası əhəmiyyətli dərəcədə aşağı düşdü. Polşalılar əsas diqqəti müdafiəyə ayırdılar, rəqib isə müdafiəni yarmaq üçün sürətli və gözlənilməz kombinasiyalar təşkil etməkdə çətinlik çəkirdi. Kumanın əvəzləmələrlə matçda dönüş yaratmaq istəyi 83-cü dəqiqədə baş tutdu. Meydana az əvvəl daxil olan Veqhorst ikinci qolu vurmaqla baş məşqçinin ümidlərini doğrultdu. Aparıcı hücumçularından məhrum olan Polşa yığması ümumilikdə yaxşı təsir bağışlasa da, Niderland sindromuna yenə son qoya bilmədi.