Srağagün “Sumqayıt”ın Müşahidə Şurasının (MŞ) iclası keçirilib.

“Azərikimya” İstehsalat Birliyinin inzibati binasında baş tutan iclasın gündəliyində iki məsələ olub:
- Azərbaycan premyer-liqasının 2023/24 mövsümünün yekunu ilə bağlı hesabat
- Azərbaycan premyer-liqasının 2024/25 mövsümü ilə bağlı planlar

Əvvəlcə Müşahidə Şurasının sədri, “Azərikimya” İstehsalat Birliyinin baş direktoru Elnur Məmmədli iclası açıb və gündəlikdə duran məsələlərlə bağlı iştirakçıları məlumatlandırıb. O, daha sonra mövsümün yekunu ilə bağlı hesabatı təqdim etmək üçün sözü “Sumqayıt”ın prezidenti Riad Rəfiyevə verib.

Riad Rəfiyev ötən mövsümün yekunları ilə bağlı hesabatı Müşahidə Şurasının üzvlərinin nəzərinə çatdırıb. Hesabatda komandanın mövsümü uğurlu başa vurması, turnir cədvəlinin 4-cü pilləsində qərarlaşması, həmçinin Konfrans Liqasına vəsiqə əldə etməsi, bununla yanaşı, klub akademiyasının və qızlardan ibarət komandanın çıxışı qeyd edilib. Klub prezidentinin çıxışından sonra iclas iştirakçıları söz alaraq öz fikirlərini bildiriblər. Yekdil rəyə əsasən, klubun mövsüm ərzindəki çıxışı uğurlu hesab edilib və bununla bağlı rəhbərliyə və məşqçi heyətinə təşəkkür çatdırılıb. Daha sonra növbəti mövsümün planları ilə bağlı müzakirələr olub.
Diqqətimizi çəkən məqam “Mehdi Hüseynzadə” stadionunda avrokubok matçlarının keçirilib-keçirilməməsi barədə hər hansı məsələnin müzakirə olunmamasıdı. Bir müddət öncə klubun mətbuat katibi Zaur Xudiyevlə əlaqə saxlamışdıq. O, stadionun istənilən halda Konfrans Liqasının birinci mərhələ oyunlarını keçirməyə imkan verdiyini bildirmişdi. Bəs, görəsən, UEFA-nın təftiş qrupu növbəti dəfə Mehdi Hüseynzadəyə baxış keçirib? Yenidən Xudiyevlə danışdıq: