“Fernando Santuşa “xoş gəlmisiz” deyirik və uğurlar arzulayırıq. Rəqibdən asılı olmayaraq, milli meydana qələbə üçün çıxmalıdı. Fernando Santuş da məğlubiyyəti qəbul etməyən mütəxəssisdi. Avropa çempionatının seçmə mərhələlərində reallığı nəzərə almalıyıq. Nəticələri düşdüyümüz qrupa əsasən uğurlu və uğursuz saymaq olar".

“Müqavilənin bəzi hissələrini açıqlaya bilərik, bəzi hissələrini yox. Maliyyə tərəfini açıqlamırıq. Həmin komandalardan ayrılmağının da müəyyən səbəbləri var. Ola bilər ki, səbəbləri dəqiq bilmirik. Sırf bilmədiyimiz səbəblərə görə qərar vermək düzgün deyil. Məşqçinin komandadan ayrılması normaldı. Müqaviləmiz üçillikdi, bir il də artırılmaq şərti ilə. Təzminat, məbləğ məsələsini açıqlaya bilmərik”.

“İclasda yalnız bir məsələ, milli komandamızın baş məşqçi məsələsi müzakirə olunacaqdı. Qurban Qurbanov daha əvvəl yığmamızın baş məşqçisi olub. Məhz bu həssaslığını nəzərə alaraq, o, öz xahişi ilə iclasa qatılmadı. Biz də Qurban müəllimin istəyi ilə razılaşdıq”.

“İşçi qrupla müzakirələr aparıldı, onların da fikri nəzərə alındı. Hər şeyi açıqlaya bilmərik. Yalnız onu deyim ki, bu seçimdə hər kəsin mövqeyi nəzərə alınıb”.