"Təyinat zamanı bu məqamlar nəzərə alınıb" - Sərxan Hacıyev
"Bəli, dünən AFFA İcraiyyə Komitəsinin onlayn formatda iclasında yeni baş məşqçi təyin olundu".
"Football-plus.az"ın məlumatına görə, bu sözləri AFFA-nın icraçı vitse-prezidenti Sərxan Hacıyev deyib. O, yeni baş məşqçinin təyinatına həsr olunmuş mətbuat konfransında Santuşla bağlı ətraflı bilgiyə ehtiyac olmadığını vurğulayıb:
"Çünki dünyaca tanınan məşqçidi. Müxtəlif yığmalarda ciddi uğurlar qazanıb. Yunanıstan millisini 2014-cü ildə dünya çempionatına çıxarıb. Portuqaliya millisini isə Avropa çempionu edib. Təyinat zamanı bu məqamlar nəzərə alınıb.
Sərxan bəy AFFA rəhbərliyinin Santuşa inandığını bildirib:
"Hədəfə çatmaq üçün qarşıdakı illər ərzində müəyyən layihə çərçivəsində çalışacağıq. AFFA rəhbərliyi ilə Santuş arasında qarşılıqlı inam var. Bunu danışıqlar prosesi zamanı da gördük. Millimizin müəyyən oyunlarına baxıb. Düşünürük ki, uğurlu işbirliyi olacaq və uzunmüddətli perspektivlərə əsasən müsbət nəticə əldə olunacaq".
KƏNAN BAHADIR
