"Qarabağ" üçün nisbətən asan çempionluq olsa da, "Qalatasaray" bunu son turda bacardı. Səbəblərə gəlincə, azarkeşlərlə müntəzəm qaydada işlərin aparılması vacib məqamdı. Klublarımız buna çox önəm vermir. Təbii ki, başqa məqam da var. "Qalatasaray"ın və Türkiyə liqasının ölkəmizdə populyarlaşması 2000-ci ildə qazanılan UEFA kubokuyla birgə başladı. Həmçinin Türkiyə millisinin AÇ və DÇ-də parlaq oyunları dini, dili bir qardaşlarımıza rəğbəti artırdı. Televiziya və rəqəmsal media xidmətlərinin yüksək səviyyədə olması və davamlılıq da öz sözünü deyir. Bunlar hamısı bir-biri ilə bağlı məqamlardı. Misli premyer-liqasının son turunda həlledici oyunda "Neftçi Arena"da ev sahibi komandanın azarkeşi qədər qonaqlarında tərəfdarları var idi. "Qarabağ"ın çempionat matçlarında isə azarkeşlərin az olması dəfələrlə görülüb. Bunlar kiçik məqamlar kimi görünsə də, bəzən həlledici rol oynayır. Reallıq odu ki, azarkeşi pulla almaq olmur. Klubla arada mənəvi bağlılıq olmalıdı. Məsələn, "Sabah" gənc olsa da, azarkeşlərlə işi düzgün qurur. Ümumiyyətlə, klublar hədəf kütləsini düzgün müəyyənləşdirməli, sosial şəbəkələrdə və başqa yerlərdə paylaşımlar edib, komandanın əsl azarkeşlərini daim məlumatlı saxlamalıdı. Zamanla "Qarabağ"ın, "Neftçi"nin və "Sabah"ın da çempionluğunu onminlərlə insanın qeyd edədəyinə inanıram".