"Məndə bir xasiyyət var ki, klubdaxili dəyişiklik baş verərkən, rəsmi şəkildə bitməyibsə, heç vaxt açıqlama vermirəm. Belə xəbərləri öncə öz rəsmi səhifələrimizdə paylaşırıq. Daha sonra sualları cavablayırıq. Söhbət baş məşqçi vəzifəsindən və ya Tərlan Əhmədovdan getmir. Təəssüf ki, bəzən mətbuatda yanlış şeylər yazırlar. Məşqçi dəyişikliyi haqda klub tərəfindən heç bir rəsmi açıqlama olmayıb. Hətta idarə heyətinin sədri yaxınlarda müsahibə verərkən bildirmişdi ki, hazırda mövsüm bitib, müəyyən müddət dincələcəyik. Daha sonra klubdaxili görüşlər, müzakirələr olacaq, orda da müəyyən qərarlar qəbul olunacaq. Bu qərarlar qəbul olunandan sonra açıqlama veriləcək. Ramiz müəllimin məşqçi işinə gəlincə, o, komandanı 1-ci liqada götürdü və çempion edərək, premyer-liqaya çıxardı. Doğrudan da, çox böyük əməyi olub. Buna görə ona minnətdarıq".