Paulo Dibala ölkəsindən məyusedici xəbər alıb.

“Football-plus.az” xəbər verir ki, o, bu yay keçiriləcək Amerika Kubokunda iştirak etməyəcək.

“Roma”nın 30 yaşlı hücumçusu Argentina yığmasının iyunda keçiriləcək iki yoldaşlıq oyunu üçün heyətə dəvət edilməyib. Təcrübəli futbolçu zədəli deyil. Milli komandanın məşqçi heyətinin qərarla bağlı Dibala ilə danışdıqları bildirilir. Paulo bu mövsüm “Roma” ilə bütün turnirlərdə 38 oyuna çıxıb, 16 qol vurub və 10 məhsuldar ötürmə edib.

Qeyd edək ki, Amerika Kuboku iyunun 20-dən iyulun 14-dək ABŞ-də keçiriləcək.