“Ola bilər ki, prinsipimizdən kənara çıxaq” – “Şamaxı” rəsmisi
“Şamaxı” çərşənbə günü 1-ci liqanın çempionu oldu.
“Şirlər” birillik fasilədən sonra yenidən premyer-liqada mübarizə aparacaq. Maraq doğuran məqamlardan biri komandanın həm elitada, həm də 1-ci liqada mübarizə apararkən heç bir əcnəbi futbolçunun xidmətindən yararlanmamasıdı. Bu, klubun strategiyasıdı. Ancaq bəzi düşüncələr də var ki, klubun elitanı tərk etməsinin əsas səbəblərindən biri də yalnız yerli oyunçudan istifadə etmələri və hər mövqeyə istənilən keyfiyyətdə yerli oyunçunun tapılmaması idi. Bəs bundan sonrakı transfer siyasətində dəyişiklik olacaqmı? Klubun baş meneceri Kamran İsmayılov “Football-plus.az”ın sualını belə cavabladı:
“Bizə heç kim legioner oyunçu transferinə qadağa qoymayıb və qoya da bilməz. Bu, sırf klub rəhbərliyinin qərarı və strategiyası idi. Bu günə kimi də həmin strategiya davam edir. Ancaq sözsüz, müzakirələr aparılandan sonra ola bilər ki, prinsipimizdən kənara çıxaq, əcnəbi futbolçu transfer edək. Bu mövzunu hələ ciddi şəkildə müzakirə etməmişik”.
KAMAL SƏFƏR
Digər xəbərlər
