La Liqada 36-cı turun oyunları mayın 14-16-sı aralığında keçirildi.

“Football-plus.az” xəbər verir ki, turun ilk üç oyununun icmalını qəzetimizin ötən sayında təqdim etmişdik. Qalan oyunlar da keçiriləndən sonra bəzi məsələlərə aydınlıq gəldi. Səfərdə “Real Sosyedad”a uduzan “Valensiya” avrokuboklara vəsiqə uğrunda mübarizədən çıxdı. Gələn tur “Vilyarreal”ın da iddiası bitə bilər. “Real Sosyedad”la “Betis” hansının Avropa Liqasına, hansının isə Konfrans Liqasına yollanacağını müəyyənləşdirməlidi. “Las-Palmas”la heç-heçə edən “Betis” şansını ciddi şəkildə pisləşdirdi. Əvəzində “Atletiko” Çempionlar Liqası ilə bağlı söhbəti qapadı. “Hindular” kiçik Madrid derbisində Qrizmannın het-triki sayəsində “Xetafe”ni darmadağın etdi. “Atletik” eksperimental heyətlə Viqoda “Selta”ya uduzdu.

Turnir cədvəlinin aşağı hissəsində də mübarizə gərginləşdi. “Sevilya” üzərində sensasiyalı qələbə qazanan “Kadis” Pamplonadan 1 xalla dönən “Malyorka”dan 4 xallıq məsafədə qərarlaşıb. Nəzəri cəhətdən elə vəziyyət yarana bilər ki, 38-ci turdan sonra 5 (!) komandanın 38 xalı olar. Belədə elitanı tərk edəcək sonuncu komandanı müəyyənləşdirmək əyləncəyə çevriləcək.

“Barselona” “Jirona”nın xal itirməsindən yararlanaraq 2-ci pillədəki mövqeyini möhkəmlətdi. Kataloniyalılar səfərdə “Almeriya”nın qapısından iki cavabsız top keçirdi. Əslində bu oyunda qolların sayı daha çox olmalıydı. Meydan sahibləri ilk yarıda qol vəziyyətlərini “sağa-sola xərclədi”. Qonaqların isə elə ilk tutarlı hücumunda hesab açıldı. Fortun asmasından sonra Fermin Lopes qapıçı xəttinin üzərindən başla dəqiq zərbə vurdu. Embarba ilk yarının sonunda topu dirəyə vurmaqla hesabı bərabərləşdirmək imkanını qaçırdı. 2-ci hissənin əvvəlində Ter Ştegenlə təkbətək çıxan Losano da 8-9 metrdən topu qapıdan aralı vurdu. 67-ci dəqiqədə daha bir qol vuran Lopes oyunun taleyini həll etdi.

36-cı tur
Almeriya – Barselona 0:2
Lopes, 14; 67. (15543)
Barselona: Ter Ştegen, Fort (Kanselo, 73), Martines, Kubarsi, Kunde, Lopes, Roberto (Kristensen, 69), Pedri (Romeo, 83), Torres (Roke, 73), Yamal, Levandovski (Feliş, 69).
Xetafe – Atletiko 0:3
Qrizmann, 27; 45; 51. (13027)
Atletiko: Oblak, Lino (Saul, 76), Ermoso, Vitsel, Ximenes, Lyorente (Mandava, 87), Barrios (Aspilikueta, 46), Koke, De Paul, Qrizmann (Depay, 87), Korrea (Rikelme, 67).
Real Sosyedad – Valensiya 1:0
A.Silva, 3. (25067)
Selta – Atletik 2:1
Svedberq, 68. Alvares, 71 - Berenger, 23. (21301)
Las-Palmas – Betis 2:2
Suares, 28. Moleyro, 64 – Marmol, 21-öz qapısına. Peres, 49. (22606)
Rayo Valyekano – Qranada 2:1
Lejen, 23. De Frutos, 80 – Boye, 89. (12738)
Sevilya – Kadis 0:1
Qvardiola, 90+6. (35805)
Turun ilk üç oyunu çərşənbə axşamı keçirilib: Real – Alaves 5:0 (68954), Jirona – Vilyarreal 0:1 (11440), Osasuna – Malyorka 1:1 (17852).
1. Real 36 29 6 1 83-22 93
2. Barselona 36 24 7 5 74-43 79
3. Jirona 36 23 6 7 75-45 75
4. Atletiko 36 23 4 9 67-39 73
5. Atletik 36 17 11 8 58-37 62
6. Real Sosyedad 36 15 12 9 49-37 57
7. Betis 36 14 14 8 48-43 56
8. Vilyarreal 36 14 9 13 60-60 51
9. Valensiya 36 13 9 14 37-40 48
10. Xetafe 36 10 13 13 41-51 43
11. Alaves 36 11 9 16 34-45 42
12. Sevilya 36 10 11 15 47-50 41
13. Osasuna 36 11 8 17 40-54 41
14. Las-Palmas 36 10 8 18 32-46 38
15. Rayo Valyekano 36 8 14 14 29-44 38
16. Selta 36 9 10 17 42-54 37
17. Malyorka 36 7 15 14 29-41 36
18. Kadis 36 6 14 16 25-49 32
19. Qranada 36 4 9 23 37-70 21
20. Almeriya 36 2 11 23 35-72 17
Bombardirlər: Dovbik (Jirona) – 20, Sörlot (Vilyarreal), Bellingem (Real) - 19, Levandovski (Barselona) - 17, Budimir (Osasuna), Qrizmann (Atletiko) – 16.

Turun rəqəmi
100 – Xavi Ernandes La Liqada “Barselona”nın “sükanı arxasında” olduğu oyunların sayını bu həddə çatdırdı. O, 2021-ci ildən kataloniyalılara rəhbərlik edir. Xavi komandanı çempionatda ən azı 100 oyuna çıxaran 9-cu məşqçidi. Bu göstəricidə rekord Yohan Kroyffa məxsusdu (300). “Barsa” Xavinin rəhbərliyi altında keçirdiyi 100 oyunun 69-da qalib gəlib, 16-da heç-heçə edib, 15-də uduzub, topların fərqi 193:86-dı. Yalnız Pep Qvardiola (79) və Luis Enrike (75) ilk 100 çempionat oyununda Xavidən daha çox qələbə qazanıb.

Turun ulduzu
Antuan Qrizmann (Atletiko) – bu ada tam layiqdi. “Hindular”ın forvardı səfərdə inadkar “Xetafe”nin qapısından üç top keçirdi. Özü də qollardan heç birini penaltidən vurmadı. Qrizmann tərifi haqq etdi!

Turun sitatı
Vinisius Junior, “Real”ın forvardı:

Faktlar
* Vinisius “Alaves”lə oyunda unikal göstəriciyə nail oldu. Braziliyalı forvard rəqibin cərimə meydançasında topa 27 dəfə toxundu ki, bu da La Liqada son 8 ilin ən yaxşı nəticəsidi. Luis Suares “Barselona”nın heyətində 2017-ci ildə iki dəfə - “Deportivo” və “Valensiya” ilə oyunlarda 21 dəfə topa toxunmuşdu.
* “Atletiko” Dieqo Simeonenin “sükan arxasında” olduğu bütün tam mövsümlərdə ÇL-ə vəsiqə qazanıb. Komanda bu mövsüm də 4-cü yerdən aşağı düşməyəcək. “Atletiko” Simeonenin dönəmində bütün tam mövsümlərdə - ardıcıl 12 ildi qitənin ən nüfuzlu klub turnirinə vəsiqə qazanır. Xatırladaq ki, argentinalı bu komandanı 2011-ci il dekabrın 23-dən bəri çalışdırır.
* “Barselona”da 411-ci oyununu keçirən Ter Ştegen qapıçılar arasında bu göstəricidə Andoni Subisarretanı (410) arxada qoymaqla 2-ci pilləyə yüksəldi. Almaniyalı qapıçı yalnız 2002-14-cü illər aralığında 535 oyun keçirən Viktor Valdesdən geri qalır. Bundan başqa, “Barsa”nın əcnəbi oyunçularından yalnız Lionel Messi (778) oyun sayında Ter Ştegendən öndədi.

Reaksiya
Xavi Ernandes, “Barselona”nın baş məşqçisi: