Təəssüf ki, La Liqada hesabat turunun bütün oyunları keçirilmədi.

“Football-plus.az” xəbər verir ki, “Malyorka” – “Kadis” oyunu balearlıların forvardı Muriqinin bazar günü İsraillə seçmə oyuna çıxması üzündən təxirə salındı. Ancaq bunsuz da maraqlı hadisələrin sayı çoxdu. Növbəti əzmkar qələbəsini qazanan “Jirona”nın “əyləci basmaq” fikri yoxdu. Kataloniyalıların budəfəki qurbanı bütün gücünü “Real”la derbidə sərf edən “Rayo Valyekano” oldu. Madrid nəhəngi isə zədəli Bellingemin yoxluğunda deyə-gelə “Valensiya”nı darmadağın etdi. “Barselona” da liderləri özündən irəli buraxmamaq üçün əməlli-başlı əziyyət çəkdi. Artıq 18-ci saniyədə qapısında qol görən çempion 2-ci hissədə “Alaves”in müqavimətini qıra bildi. Turun son oyununda başsız qalan “Vilyarreal” üzərində əzmkar qələbə qazanan “Atletiko” da çempionluq yarışında qalmaqdadı.

Turda həmçinin eyni – 1:1 hesablı üç heç-heçə qeydə alındı. “Osasuna” və “Qranada” evdə, uyğun olaraq, “Las-Palmas”la “Xetafe”nin öhdəsindən gələ bilmədi. Elə Sevilya derbisində də qalib müəyyənləşmədi, hərçənd “xiyarlar” qələbəyə daha yaxın idi. “Real Sosyedad” aşkar autsayder, hələ də qələbəyə həsrət qalan “Almeriya” ilə oyunda çətinlik çəkmədi. Turun ən məhsuldar oyunu isə Bilbaoda gerçəkləşdi. Yerli “Atletik” “Selta”nın qapısından 4 top keçirdi, ancaq öz qapısında da üç qol gördü. Belə görünür ki, Rafael Benites Viqo klubunun baş məşqçi postunda uzun müddət davam gətirməyəcək.

13-cü tur
Rayo Valyekano – Jirona 1:2
A.Qarsiya, 5 – Dovbik, 42. Savio, 65. (13177)
Jirona: Qassaniqa, Qutyerres, Blind, E.Qarsiya, Martines, Errera, A.Qarsiya, Martin (Fernandes, 85), Savio (Portu, 84), Sıqankov (Kouto, 78), Dovbik (Stuani, 78).
Real – Valensiya 5:1
Karvaxal, 3. Vinisius, 42; 49. Rodriqo, 50; 84 – Duro, 88. (72475)
Real: Lunin, Mendi (F.Qarsiya, 71), Alaba, Naço, Karvaxal (Pas, 82), Kroos, Kamavinqa, Valverde (Modriç, 60), Dias (Vaskes, 71), Vinisius (Xoselu, 82), Rodriqo.
Barselona – Alaves 2:1
Levandovski, 53; 78-p. – Omorodion, 1. (38183)
Barselona: Ter Ştegen, Kanselo, Martines, Kunde (Balde, 70), Arauxo, Lopes (Rafinya, 63), Gündoğan, Pedri (Romeu, 81), Feliş (Torres, 70), Yamal, Levandovski.
Atletiko – Vilyarreal 3:1
Vitsel, 45+1. Qrizmann, 80. Lino, 85 – J.Moreno, 20. (56632)
Atletiko: Oblak, Ermoso, Vitsel, Ximenes, Rikelme (Lino, 65), Saul (Lyorente, 46), Koke, De Paul (Korrea, 65), Molina (Barrios, 70), Qrizmann, Morata (Söyüncü, 88).
Atletik – Selta 4:3
Sanset, 37. Quruseta, 45+4; 52. Berenger, 90+7-p. – Aspas, 25. Bamba, 41. Strand Larsen, 66. (44435)
Almeriya – Real Sosyedad 1:3
Arribas, 76 – Oyarsabal, 62. Fernandes, 90+1-p. Subimendi, 90+5. (13016)
Qranada – Xetafe 1:1
Vilyar, 45+4 – Mayoral, 2. (19103)
Osasuna – Las-Palmas 1:1
Budimir, 74 – Moleyro, 70. (20125)
Sevilya – Betis 1:1
Rakitiç, 79 – Peres, 72. (42222)
“Malyorka” – “Kadis” oyunu noyabrın 29-da keçiriləcək.
1. Jirona 13 11 1 1 31-16 34
2. Real 13 10 2 1 28-9 32
3. Barselona 13 9 3 1 26-13 30
4. Atletiko 12 9 1 2 29-12 28
5. Atletik 13 7 3 3 25-17 24
6. Real Sosyedad 13 6 4 3 23-16 22
7. Betis 13 5 6 2 17-16 21
8. Las-Palmas 13 5 3 5 11-12 18
9. Valensiya 13 5 3 5 16-18 18
10. Rayo Valyekano 13 4 6 3 15-17 18
11. Xetafe 13 3 7 3 15-17 16
12. Osasuna 13 4 2 7 15-21 14
13. Sevilya 12 2 6 4 18-17 12
14. Vilyarreal 13 3 3 7 18-24 12
15. Alaves 13 3 3 7 11-18 12
16. Kadis 12 2 4 6 10-17 10
17. Malyorka 12 1 6 5 12-18 9
18. Selta 13 1 4 8 14-24 7
19. Qranada 13 1 4 8 18-30 7
20. Almeriya 13 0 3 10 15-35 3
Bombardirlər: Bellingem (Real) - 10, Qrizmann (Atletiko), J.Moreno (Vilyarreal) – 8.
Növbəti turun oyunları noyabrın 24-27-si aralığında keçiriləcək: Alaves – Qranada, Rayo Valyekano – Barselona, Valensiya – Selta, Xetafe – Almeriya, Atletiko – Malyorka, Vilyarreal – Osasuna, Real Sosyedad – Sevilya, Kadis – Real, Betis – Las-Palmas, Jirona – Atletik.

Turun rəqəmi
169 – “Atletiko”nun heyətində qol sayını bu həddə çatdıran Qrizmann klubun bombardirləri siyahısında 2-ci pillədə qərarlaşan Adrian Eskuderonu haqladı. O, mütləq rekorda çatmaq üçün daha üç dəfə fərqlənməlidi. Belə ki, Luis Araqones 172 qolla klub tarixinin bombardiridi.

Turun ulduzu
Rodrio (Real) – düzdü, “Valensiya” üzərində qələbə asan alındı. Ancaq bu məqam braziliyalı forvardın əməyini azaltmaq üçün əsas ola bilməz. Rodriqo 2 qol vurdu, həmçinin oyundaşlarına iki məhsuldar ötürmə verdi.

Turun sitatı
Xavi Ernandes, “Barselona”nın baş məşqçisi: “Komanda heç də ən yaxşı dönəmini yaşamır, yığma fasiləsi xeyrimizə olacaq. La Liqada iki qorxunc oyun keçirdik. Oyunçular kənardan təsir nəticəsində həmişəkindən daha gərgindi. Media komandaya təsir göstərir. Jurnalistlərin yazdığı qeyri-real ssenarilər komandanı ruhdan salır”.

Fakt
“Alaves”in forvardı Omorodion “Barsa” ilə oyunun 18-ci saniyəsində hesabı açdı. Bunda mərkəzdə topu itirən Gündoğanın kobud səhvi böyük rol oynadı. Xatırladaq ki, kataloniyalar cari mövsümün “Qranada” ilə oyununda bundan da tez – 17-ci saniyədə qapısında qol görmüşdü.

Oyundan sonra
Karlo Ançelotti, “Real”ın baş məşqçisi: “Mövsümdəki ən yaxşı oyunmuz idi. “Valensiya” səviyyəsini göstərə bilmədi, ona görə ki, biz çox yaxşı oynadıq. İlk dəqiqələri saymasaq, ideal oyun alındı. Vinisiusla Rodriqo ən yaxşı səviyyəsinə qayıdıb. Ancaq mən fərdi yox, kollektiv keyfiyyətləri daha yüksək dəyərləndirirəm”.
Dieqo Simeone, “Atletiko”nun baş məşqçisi: “İkinci hissəni yaxşı keçirdik. Əvəzetmələr oyunun axarını dəyişdi. Biz belə oyunlara həmişə hazırıq. Heyətimizdə sonradan meydana çıxmaqla sürəti artırmağa qadir olan futbolçular var”.