İspaniya kubokunda 1/32 final mərhələsi arxada qaldı.

"Football-plus.az" xəbər verir ki, əvvəlki günlərdə La Liqa klublarından “Vilyarreal”, “Valensiya” və “Xetafe”nin növbəti mərhələyə adladığını bilirsiz. Dekabrın 6-7-də keçirilən oyunlardan sonra “Rayo Valyekano”, “Real Sosyedad”, “Alaves”, “Betis”, “Malyorka”, “Sevilya”, “Las-Palmas”, “Selta”, “Jirona” və “Atletik” də xoşbəxtlər siyahısına qoşuldu. Amma “Almeriya” və “Kadis” mübarizəni bu mərhələdə dayandırdı. Özü də 5-ci divizion təmsilçilərinə uduzmaqla! Başqa ölkələrdə kubok yarışlarının sürprizlərlə zəngin olduğunu deyəndə biz məhz belə məqamları nəzərdə tuturuq. Təəssüf ki, ölkəmizdə divizionlararası uçurum daha dərindi. Xatırladaq ki, “Barselona”, “Real”, “Atletiko” və “Osasuna” mübarizəyə 1/16 finaldan başlayacaq. Adı çəkilən komandalar yanvarın 10-14-ü aralığında Səudiyyə Ərəbistanında keçiriləcək İspaniya Syperkuboku uğrunda oyunun iştirakçıları kimi əvvəlki mərhələlərdən azaddı.

1/32 final
Yeklano (D-4) – Rayo Valyekano 0:2
Falkao, 89. De Tomas, 90.
Andrayç (D-5) – Real Sosyedad 0:1
A.Silva, 56.
Terrassa (D-4) – Alaves 0:1
Alkain, 21.
Vilyanovense (D-4) – Betis 1:2
İsra, 63 – Ezzalzuli, 89. İqlesias, 90.
Valye Eques (D-5) – Malyorka 0:3
D.Rodruges, 39. Lyabres, 56; 62.
Atletiko Astorqa (D-5) – Sevilya 0:2
Ramos, 28-p. Qattoni, 68.
Tudelano (D-4) – Las-Palmas 1:2, əlavə vaxtda
Rodriges, 42 – Kaba, 38. Munir, 120.
Sestao River (D-4) – Selta 1:2
Nunyes, 73-öz qapısına – Duvikas, 17; 78.
Oriuela (D-5) – Jirona 2:5
Belyon, 27. Buker, 45 – Torre, 7. Stuani, 66; 74. Portu, 82. Fernandes, 87.
Kayon (D-5) – Atletik 0:3
Vilyalibre, 22; 26-p. N.Uilyams, 85.
Barbastro (D-5) – Almeriya 1:0
Tarifa, 28.
Arandina (D-5) – Kadis 2:1
Haydara, 5. Peska, 65 – San-Emetario, 34.
Alkorkon (D-2) – Kartaxena (D-2) 0:0, p. – 4:5
Deportivo (D-3) – Tenerife (D-2) 2:3, ə.v.
Melya, 10. Sançes, 106 – Martines, 60. Romero, 101. S.Qonsales, 120.
Antekera (D-4) – Ueska (D-2) 0:2
Lombardo, 36. Kanelyada, 90.
Arenteyro (D-4) – Burqos (D-2) 1:3
Fuentes, 20 – Bermexo, 8; 44. Appen, 54.
Unionistas (D-3) – Sportinq (D-2) 2:0
Planas, 7. Kamyu, 53.
Malaqa (D-3) – Eldense (D-2) 1:0
Xuampe, 41.
Levante (D-2) – Amorebyeta (D-2) 0:1
Eraso, 71.
Luqo (D-2) – Mirandes (D-2) 2:0
Antonetti, 87. Fuentes, 90.
Ferrol (D-2) – Leqanes (D-2) 1:0
Naço, 56.
Linares (D-3) – Elçe (D-2) 1:3
Korral, 61 – Qarses, 58. Febas, 83. Leon, 89.
Melilya (D-4) – Eybar (D-2) 1:1, p. – 1:4
Enrike, 22 – K.Qonsales, 54-p.
Bu mərhələnin daha əvvəl keçirilən oyunlarının nəticəsi: Samora (D-4) – Vilyarreal 1:2, Arosa (D-5) – Valensiya 0:1, Atseneta (D-5) – Xetafe 1:2, Espanyol (D-2) – Valyadolid (D-2) 3:1, Kastelyon (D-3) – Ovyedo (D-2) 2:1.