Lebron sabiq komandasının qələbəsini izlədi
“Leykers”in forvarı Lebron Ceyms də 2-ci pley-off mərhələsinin “Klivlend” – “Boston” seriyasının 4-cü oyununu izləyənlər arasında olub.
“Football-plus.az” xəbər verir ki, oyunun translyasiyası zamanı tamaşaçıların diqqətini Lebronun oturacağının altındakı butılkalar çəkib. Ulduz basketbolçu arenaya şərab, su və bir stəkan qəhvə gətiribmiş. Xatırladaq ki, bu oyun “Boston”un 109:102 hesablı qələbəsi ilə bitib. Beləcə seriyada hesab 3:1 “Boston”un xeyrinə olub.
Lebron peşəkar karyerasına məhz “Klivlend”də başlayıb, bu komanda ilə 2016-cı ildə MBA çempionu olub, “zadəganlar”ın heyətində 11 mövsüm keçirib. Bu arada nüfuzlu insayder Şəms Çaraniya hazırda 39 yaşı olan Lebronun MBA-dakı gələcəyi haqda danışıb:
“Liqada Lebronun hələ iki mövsüm də çıxış edəcəyini gözləyirlər. Bundan başqa, unutmaq lazım deyil ki, 2025/26 mövsümündə Ulduzların oyunu Los-Ancelesdə keçiriləcək”.
Xatırladaq ki, MBA-nın bütün ulduzlarının oyunu Los-Ancelesdə sonuncu dəfə 2018-ci ildə keçirilib. Lebron 2018-ci ildən bəri “Leykers”in şərəfini qoruyur. “Gölməçəsevərlər”lə 2020-ci ildə MBA çempionu olub. Bundan başqa, 2012, 2013-cü illərdə “Mayami”nin, 2016-cı ildə isə “Klivlend”in oyunçusu kimi eyni titulu qazanıb.
14 may
Klivlend – Boston 102:109 (30:37, 27:25, 21:26, 24:21
Seriyada hesab – 1:3.
Dallas – Oklahoma-Siti 96:100 (30:20, 24:23, 15:22, 27:35)
Seriyada hesab – 2:2.
15 may
Nyu-York – İndiana 121:91 (38:32, 31:22, 27:21, 25:16)
Seriyada hesab – 3:2.
Denver – Minnesota 112:97 (28:26, 22:18, 38:30, 24:23)
Seriyada hesab – 3:2.
Digər xəbərlər
