Uzun müddətdi klubsuz qalan David De Xea əvvəlki komandasına qayıda bilər.

İspaniyalı qapıçının yenidən vətənində, özü də sabiq klubunda oynamaq şansı var. Ötən yay “Mançester Yunayted”i tərk edəndən sonra bir çox təklifləri geri çevirən 33 yaşlı futbolçu “Atletiko”nun maraq dairəsindədi. “Todofichajes” saytının yaydığı xəbərdə Madrid klubunun yayda komandadan ayrılacağı gözlənilən Yan Oblaka xələf üçün De Xeanın namizədliyini götür-qoy etdiyi bildirilib.

Xatırladaq ki, David “Atletiko”da 2008-11-ci illərdə çıxış edib.