“Əslində “Sabah”ın bu uğuru bir mövsümün uğuru  deyil, uzunmüddətli planın, ağır işin, peşəkar yanaşmanın, rəhbərliyin danılmaz dəstəyinin nəticəsidi. Hazırda “Sabah” Futbol Akademiyası Azərbaycanda ən güclü, səviyyəli və perspektivli akademiyalardan sayılır. Hər yaş qrupu liderlər sirasındadı. Milli komandaların müxtəlif yaş qruplarında “Sabah”ın futbolçuları çoxluq təşkil edir. Və bu o deməkdi ki, “Sabah” gənc klub olmasına baxmayaraq, bir neçə il öncə  düzgün yol seçib. “Sabah”ın tarixində bu çempionluq bir ilkdi. Bütün  “Sabah” ailəsini və “Sabah”sevərləri bu çempionluq münasibətilə təbrik edirəm. Demək olar ki, akademiyamızın hər yaş qrupunda çox perspektivli uşaqlar var. Adları çəkmək istəmirəm. Amma deyim ki, akademiya olaraq, ilk işimiz əsas komanda və Azərbaycan futbolu üçün yaxşı futbolçu yetişdirməkdi. Bunun üçün klub tərəfindən bütün şərait yaradılıb”.