Bu gün Misli premyer-liqasında 32-ci turun növbəti matçları keçirilib. Üç gün ərzində keçirilən oyunlar “CBC Sport”un efirində canlı yayınlayıb.

28 aprel
Qəbələ - Kəpəz 0:1
Martins Juniyor, 7
“Qəbələ”nin bu rəqiblə ev oyunlarının balansı: 13:+6=4-3, 16:11.
2010/11 – 0:0, 1:1; 2011/12 – 2:0; 2012/13 – 2:0; 2015/16 – 1:0, 1:2; 2016/17 – 2:0, 2:1; 2017/18 – 0:2, 3:0; 2022/23 – 1:1, 1:1; 2023/24 – 0:3.
Cəzalı: yoxdu.
“Futbol+”in proqnozu: 30-30-40.
Qəbələ. Şəhər stadionu. Saat 15.30.

Autsayderlərin dueli... Oyunu prinsipiallaşdıran məqamı hər iki komandanın mövsümün əvvəlindən bəri premyer-liqanı tərk etməmək üçün döyüşməsidi. İndi komandar arasında 14 xal fərqi var. Yəni “Qəbələ” “Kəpəz”ə qalib gələ bilməsə, 1-ci liqaya yuvarlanması rəsmiləşəcək. Gəncə təmsilçisi son üç Qəbələ səfərində uduzmayıb. “Sarı-göylər” bu seriyanı davam etdirmək və intriqanı bitirmək niyyətindədi.

Bu komandalar indiyə qədər 27 oyunda üz-üzə gəlib. Bunların 11-də “Qəbələ”, 8-də “Kəpəz” qələbə qazanıb, 8-də “sülh” qeydə alınıb. Topların nisbətində “qırmızı-qaralar” öndədi – 34:26.

Neftçi – Turan Tovuz 3:0
Filip Ozobiç, 14. Yuri Matias, 31-pen. Rəhman Hacıyev, 70-pen.
Qırmızı vərəqə: Bruno Qonçalveş, 63
“Neftçi”nin bu rəqiblə ev oyunlarının balansı: 3:+2=1-0, 7:2.
2022/23 – 0:0, 4:0; 2023/24 – 3:2.
Cəzalılar: Yeqor Boqomolski, Mark Tamaş (hər ikisi “Neftçi”), Ayxan Hüseynov, Denis Marandiçi (hər ikisi “Turan Tovuz”).
“Futbol+”in proqnozu: 40-30-30.
Bakı. “Neftçi Arena”. Saat 17.45.

Ötən həftə azlıqda qalan “Zirə”yə uduzan (1:3) “Neftçi” “günahını yumalıdı”. Kubokda mübarizəni dayandıran “ağ-qaralar” 2-ci pilləyə can atır. Amma “Turan Tovuz”u məğlub etmək asan deyil. Qonaqlar da avrokuboklara vəsiqədən gözünü çəkməyib.

Ümumiyyətlə, bu komandalar indiyə qədər 7 dəfə bir-birinə rəqib olub. Bunların 4-də “Neftçi, 1-də “Turan Tovuz” 3 xala yiyələnib, 2 oyun heç-heçə bitib. Topların nisbətində “ağ-qaralar” öndədi – 10:7.

Sumqayıt - Qarabağ 1:0
Roi Kehat, 70
“Sumqayıt”ın bu rəqiblə ev oyunlarının balansı: 22:+4=4-14, 10:53.
2011/12 – 0:0; 2012/13 – 1:6; 2013/14 – 0:3, 1:0; 2014/15 - +:-*, 1:2, 2015/16 – 1:0, 0:2; 2016/17 – 0:2, 0:4; 2017/18 – 1:1, 0:1; 2018/19 – 0:2, 0:6; 2019/20 – 2:1; 2020/21 – 2:2, 0:0; 2021/22 – 0:4, 0:3; 2022/23 – 0:2, 0:6; 2023/24 – 1:6.
* - texniki nəticə top fərqində nəzərə alınmayıb.
Cəzalı: Mehdi Cənnətov (Sumqayıt).
“Futbol+”in proqnozu: 30-30-40.
Sumqayıt. Mehdi Hüseynzadə adına şəhər stadionu. Saat 20.00.

“Sumqayıt” mövsüm ərzində qazandığı uğurları Tovuzdakı parlaq qələbə ilə taclandırdı. Uğurlu seriyanı “Qarabağ”a qarşı davam etdirmək lazımdı. Növbəti qazanc “kimyaçılar”ın Avropa yoluna işıq salacaq. Samir Abasov İspaniyada olduğundan komanda meydana “başsız” çıxacaq. Əsas qapıçı Mehdi Cənnətov isə cəzalıdı. Sadalananlar kollektivin rəqibə müqavimətini sındıra bilər. Odu ki, hər məqam zərgər dəqiqliyiylə nəzərə alınmalıdı. Üstəlik “Sumqayıt” “köhlən atlar”a qarşı biabırçı statistikaya malikdi. Amma ağdamlılar son iki turda xal itirib.

Bu komandalar indiyə qədər 46 oyunda üz-üzə gəlib. Bunların 6-da “kimyaçılar”, 35-də “köhlən atlar” qalib gəlib, 5-də qalib bəlli olmayıb. Topların nisbətində “Qarabağ” öndədi – 116:22.

29 aprel
Zirə - Araz-Naxçıvan 0:1
İqor Ribeyro, 89
“Zirə”nin bu rəqiblə ev oyunlarının balansı: 1:+0=1-0, 0:0.
2023/24 – 0:0.
Cəzalı: Ceyhun Nuriyev (Zirə).
“Futbol+”in proqnozu: 40-30-30.
Zirə. İdman Kompleksinin stadionu. Saat 19.00.

“Zirə”nin uğurlu seriyası davam edir. 5 oyundu uduzmayan “qartallar” ikinci pilləni əldən vermək niyyətində deyil. Amma arxayınlaşmaq olmaz. Rəşad Sadıqovun komandası indi də “Araz-Naxçıvan”ı məğlub edərək iddiasını qorumağa çalışacaq. Bu yöndə ciddi maneənin olduğunu deyə bilmərik. Çünki premyer-liqada “Neftçi”ni məğlub edən komanda kubokun finalına vəsiqə qazanaraq əhval-ruhiyyəni yaxşılaşdırıb. “Araz-Naxçıvan”da isə sular durulmaq bilmir. Elmar Baxşıyevin gəlişi də nəticələri dəyişmədi. Mütəxəssis özünü yaxşı tərəfdən göstərmək, komanda “qara zolaq”dan xilas olmaq üçün vuruşmalıdı.

Komandalar indiyə qədər 3 dəfə qarşılaşıb. “Zirə” və “Araz-Naxçıvan” hərəyə bir dəfə qələbə qazanıbsa, birində qalib müəyyənləşməyib. Topların nisbətində “qartallar” öndədi – 3:1.

27 aprel
Sabah – Səbail 2:0
Con İrasabal, 22. Cesse Sekidika, 39.
“Sabah”ın bu rəqiblə ev oyunlarının balansı: 12:+7=3-2, 18:7.
2018/19 – 0:4, 3:1; 2019/20 – 3:0, 0:0; 2020/21 – 2:1, 0:0; 2021/22 – 0:1, 1:0; 2022/23 – 1:0; 2022/23 – 0:0, 4:0; 2023/23 – 4:0.
Cəzalılar: Sofian Çakla (Sabah), Adi Mehremiç (Səbail).
“Futbol+”in proqnozu: 40-30-30.
Bakı. “Bank Respublika Arena”. Saat 18.00.

Turun ilk matçında avrokuboklara iddialı Bakı təmsilçilərinin duelini izləyəcəyik. “Sabah” “Qarabağ” və “Kəpəz”i məğlub edəndən sonra bu yöndə şansını xeyli artırıb. Bilindiyi kimi, “bayquşlar”ın cari mövsümdəki ev oyunları daha yaxşı oyun və nəticə ilə müşayiət olunur. Onsuz da komanda qələbə qazanmağa məcburdu. Çünki turnir cədvəlinin yuxarı pillələrindəki sıxlıq var və “tələbələr” hələ ki 5-ci pillədə qərarlaşıb. “Səbail” də eyni dərəcədə qələbəyə ehtiyac duyur. Axı “dənizçilər” “Sabah”dan 4 xal geridədi. Nəticə hər iki tərəfin avrokuboklara vəsiqə uğrunda mübarizəsinə ciddi təsir göstərəcək. Odu ki, paytaxt derbisinin həyəcanına şahidlik etməyə dəyər.

Ümumiyyətlə, bu komandalar indiyə qədər 22 matçda qarşılaşıb. Bunların 10-da “bayquşlar”, 7-də “dənizçilər” qalib gəlib, 5-də qalib müəyyənləşməyib. Topların nisbətində “Sabah” öndədi – 31:19.

1. Qarabağ 32 23 4 5 85-32 73
2. Neftçi 32 14 8 10 43-33 50
3. Sumqayıt 32 13 11 8 33-34 50
4. Zirə 32 13 10 9 29-20 49
5. Sabah 32 14 7 11 46-38 49
6. Səbail 32 11 9 12 47-51 42
7. Turan Tovuz 32 11 9 12 47-47 42
8. Araz-Naxçıvan 32 9 8 15 29-44 35
9. Kəpəz 32 9 7 16 37-59 34
10. Qəbələ 32 4 5 23 23-61 17

Bombardirlər: Olavio Juninyo (Qarabağ) – 17, Aleksandr Ramalinqom (Səbail) – 13, Yassin Benzya (Qarabağ) – 12.

KƏNAN BAHADIR