Dünən Misli premyer-liqasında mövsümün ikinci yarısına start verilib.

Yəni elitada 27 günlük qış fasiləsi başa çatıb. 3-cü dövrənin ilk turunun - 19-cu turun oyunları üç gün ərzində keçiriləcək. “CBC Sport” yenə bütün oyunları canlı yayınlayacaq.

22 yanvar
Səbail – Zirə 0:0
“Səbail”in bu rəqiblə ev oyunlarının balansı: 13:+3=1-9, 8:16.
2017/18 – 0:1, 0:1; 2018/19 - +:-*, 0:2; 2019/20 – 1:0, 1:3; 2020/21 – 1:2, 0:0; 2021/22 – 1:2, 0:1; 2022/23 – 1:2, 2:0; 2023/24 – 1:2.
* texniki qələbə top fərqində nəzərə alınmır.
Cəzalılar: Məqsəd İsayev, Eldar Quliyev ( hər ikisi “Zirə”).
“Futbol+”in proqnozu: 30-30-40.
Bakı, “ASCO Arena”. Saat 15.00.

Kəpəz – Turan Tovuz 2:1
Şakir Seyidov, 25, Martins Junior, 71 - Ayxan Quseynov, 4.
“Kəpəz”in bu rəqiblə ev oyunlarının balansı: 3:+1=1-1, 1:2.
2022/23 – 0:0, 1:0; 2023/24 – 0:2.
Cəzalı: Ehtiram Şahverdiyev (Kəpəz).
“Futbol+”in proqnozu: 30-40-30.
Qəbələ, şəhər stadionu. Saat 17.30.

“Kəpəz” qış fasiləsində sözün əsl mənasında ömrünün “qış çağı”nı yaşadı. Mövsümün əvvəlindən bəri sıralanan uğursuzluqlar bu dönəmdə də özünü göstərdi. Gəncə təmsilçisi nə faydalı yoxlama görüşü keçə bildi, nə də transfer siyasətinlə ciddi addımla yadda qaldı. “Sarı-göylər” hələ ki Amin Yunanovla Camal Cəfərovu icarəyə götürüb. Onların komandanın gücünə güc qatıb-qatmayacağı sual altındadı. Diqqətçəkən məqam isə Adil Şükürovun yertirmələrinin premyer-liqada qalmaq uğrunda əsas rəqibi olan “Qəbələ”ni yoxlama görüşündə məğlub etməsidi – 2:1. Həmin oyun tərzinin “Turan Tovuz”la matçda nə dərəcədə işə yarayacağını bilmirik. Hər halda, “bozqurdlar” qış fasiləsindən rəqiblə müqayisədə daha çox fayda əldə edib. İstər yoxlama oyunları, istərsə də transfer baxımından “sarı-göylər”i üstələyirlər. Düzdü, Ayxan Abbasovun komandası həm Rumıniya “Voluntari”sinə (0:2), həm Macarıstan “Şiofok”una (0:2), həm də Özbəkistan “Nasaf”ına (2:4) uduzub. Lakin toplanış başqadı, çempionat başqa.

Ümumiyyətlə, bu komandalar indiyə qədər 6 dəfə üz-üzə gəlib. Bunların 1-də “Kəpəz”, 4-də “Turan Tovuz” qələbə qazanıb. Bir oyunda qalib müəyyənləşməyib. Topların nisbətində “bozqurdlar” öndədi – 10:1.

21 yanvar
Misli premyer-liqası
3-cü dövrə, 19-cu tur
Sabah – Neftçi 0:0
“Sabah”ın bu rəqiblə ev oyunlarının balansı: 10:+2=2-6, 9:15.
2018/19 – 1:2, 0:2; 2019/20 – 0:2; 2020/21 – 0:2, 2:2; 2021/22 – 1:2, 0:1; 2022/23 – 2:1, 2:0; 2023/24 – 1:1.
Cəzalı: Amin Seydiyev (Sabah).
“Futbol+”in proqnozu: 30-40-40.
Bakı, “Bank Respublika Arena”. Saat 16.00.

1. Qarabağ 18 13 2 3 45-14 41
2. Zirə 19 8 6 5 13-10 30
3. Neftçi 19 8 5 6 21-17 29
4. Sumqayıt 18 7 6 5 19-23 27
5. Səbail 19 7 6 6 26-27 27
6. Araz-Naxçıvan 18 7 5 6 20-19 26
7. Sabah 19 6 5 8 25-22 23
8. Turan Tovuz 19 6 4 9 30-30 22
9. Kəpəz 19 4 5 10 13-30 17
10. Qəbələ 18 4 2 12 12-32 14

Bombardirlər: Olavio Juninyo (Qarabağ) – 13, Aleksandr Ramalinqom (Səbail) – 7, Yassin Benzya (Qarabağ) – 6.

KƏNAN BAHADIR