Juninyonun susqunluğu nə ilə bağlıdı?
“Qarabağ”ın braziliyalı hücumçusu Juninyo son 10 oyunda cəmi iki qol vura bilib.
Maraqlıdı ki, başqa klubların ona maraq göstərməsi ilə bağlı söhbətlər aktuallaşandan sonra məhsuldarlıqı kəskin şəkildə aşağı düşüb. Bəs bu iki məqam arasında səbəb-nəticə əlaqəsi varmı?
“Football-plus.az”ın sualını skaut/vasitəçi Emil Şükürov cavabladı:
“Qətiyyətlə yox deyərdim. Təbii ki, klublar oyunçunu bir-iki oyunda qol vurmağa və ya vurmamağa görə seçmirlər. Mövsümboyu, bəzi hallarda isə mövsümlər boyunca izləyib yekun qərar verirlər. Juninyo və “Qarabağ” olduqca uğurlu, məhsuldar mövsüm keçirir, ölkə kubokunu qazanmaq şansları da var. Bu səbəbdən Juninyonun hələ fərqlənəcəyinə inanıram. Bəzən tək bitirici oyunçuya yox, onu qol ötürmələri ilə təmin edən komanda yoldaşlarına diqqət yetirmək lazımdı. Çempionluq rəsmiləşəndən sonra heyətdə rotasiyalar qaçılmazdı”.
ELMİN
Digər xəbərlər
