Emiliano Martines özünə və komandasına problem yaradıb. UEFA onu cəzalandırıb.

“Aston Villa”nın qapıçısı Konfrans Liqasının 1/4 finalının “Lill” ilə cavab oyununda iki dəfə xəbərdarlıq alıb. Qeyd edək ki, 31 yaşlı argentinalı sarı vərəqələrdən biri əsas vaxtda, digəri isə oyundan sonrakı penalti seriyasında göstərilib. Amma dünya çempionu meydandan qovulmayıb. Ona görə ki, matçın gedişində alınan vərəqə penalti seriyasına tətbiq edilmir. Buna baxmayaraq, UEFA Emilianoya bir oyunluq cəza kəsib. O, yarımfinalın “Olimpiakos” ilə ilk oyununda “Aston Villa”nın qapısını qoruya bilməyəcək. Bu komandalar arasındakı ilk matç mayın 2-də İngiltərədə keçiriləcək.