“Bayer-04” “Verder”i darmadağın edəndən sonra tarixindəki ilk Almaniya çempionluğunu təminat altına aldı.

“Football-plus.az” xəbər verir ki, bu mövsümə qədər klubun qənimətlər siyahısında yalnız 1987/88 mövsümündə qazanılan UEFA kuboku və 1992/92-də qazanılan ölkə kuboku var idi. “Aspirinlər” 5 dəfə bundesliqada 2-ci yeri tutub, 3 dəfə ölkə kubokunun, 1 dəfə isə Çempionlar Liqasının finalında uduzub. Yeni çempionların üzə çıxması nadir rast gəlinən hadisədi. 21-ci əsrdə Avropanın beş ən gclü çempionatında yalnız titulun 5 yeni sahibi peyda olub. İngiltərədə “Lester”, Almaniyada “Volfsburq”la “Bayer-04”, Fransada “Lion”la “Monpelye” tarixi sıçrayış edib. Yeri gəlmişkən, yalnız “Lion” nəhənglər arasında mövqeyini qoruya bilib.
“Böyük beşlik” və “2-ci eşelon” ölkələrində 21-ci əsrin yeni çempionları

mövsüm klub ölkə məşqçi
2000/01 Boavişta Portuqaliya Jayme Paşeko
2001/02 Lion Fransa Jak Santini
2008/09 Volfsburq Almaniya Feliks Maqat
2009/10 Tvente Niderland Stiv Maklaren
2011/12 Monpelye Fransa Rene Jirar
2015/16 Lester İngiltərə Klaudio Ranyeri
2023/24 Bayer-04 Almaniya Xabi Alonso

“Bayer-04” həm də ardıcıl 11 mövsümündə çempion titulunu əldən verməyən “Bavariya”nın unikal seriyasını qırdı. Bu, Avropanın beş aparıcı çempionatı üçün mütləq rekorddu. “Yuventus” 9, “Lion” 7 il qənimətə heç kimi yaxın buraxmayıb. Daha bir maraqlı məqam odu ki, Fransa klubunun seriyası məhz ilk çempionluqdan sonra başlayıb.

“Böyük beşlik” ölkələrində ən uzun çempionluq seriyaları
klub çempionat illər titul sayı
Bavariya Almaniya 2013-23 11
Yuventus İtaliya 2012-20 9
Lion Fransa 2002-08 7
Yuventus İtaliya 1931-35 5
Real İspaniya 1961-65 5
Real İspaniya 1986-90 5
İnter İtaliya 2006-10 5
Torino İtaliya 1946–49 4
Sent-Etyen Fransa 1967-70 4
Marsel* Fransa 1989-92 4
Barselona İspaniya 1991-94 4
PSJ Fransa 2013-16 4
* “Marsel” 1992/93 mövsümünü də 1-ci yerdə bitirib, ancaq tituldan məhrum olunub.