"Bilirsiniz ki, milli komandanı yenidən formalaşdırırıq. Budəfəki heyətimiz demək olar, sırf Azərbaycan çempionatında çıxış edən futzalçılardan ibarətdi. Bu görüş 2024-cü ildə ilk beynəlxalq oyunumuz idi. Uşaqlardan razı qaldım. Sona qədər mübarizə apardılar. Rəqibimiz olan Gürcüstan millisi də zəif komanda deyil. Bu gün bizdən üstün oynadılar. Narazı qaldığım məqam iki qolu standart vəziyyətdən buraxmağımızla bağlıdı. Bu da bir yerdə çox işləməməyimizin nəticəsidi. Bu cür oyunları çox keçirməliyik ki, uşaqlar inkişaf etsinlər".