“Dünən qazandığımız qələbə mövsümün əvvəlindən bəri hər cür vəziyyətə rəğmən, ardıcıl işləməyə davam etməyimizdən və çox gözəl ailə mühitinin olmasından irəli gəlir. Çox enişli-yoxuşlu matç idi. İki vacib oyunçumuz yox idi, amma bütün digər oyunçularım matça çox diqqət yetirdilər. Onları qələbə münasibəti ilə təbrik edirəm. Dünənki qarşılaşma ilk növbədə ölkə basketbol liqasının keyfiyyətinin yüksəldiyini göstərən bir qarşılaşma oldu. Liqada son bir oyunumuz qalıb, ondan sonra pley-offda yenidən “Neftçi” ilə qarşılaşacağıq. Hər rəqibə eyni qiymət verərək hazırlaşırıq. Qarşıda bizi 20 günlük müddət gözləyir. Bu prosesdə səhvlərimizi düzəltmək, həmin matçlara ən yaxşı şəkildə hazırlaşmaq və yarımfinala vəsiqə qazanmaq istəyirik. Bundan sonra ümid edirəm ki, yolun sonu çempionluq olacaq”.

“Müdafiədə səhvlərimiz çox idi. Növbəti məşqlərimizdə onun üzərində işləyəcəyik. Bizi qarşıda kubokun yarımfinalı gözləyir. Orda mütləq qələbə qazanmalıyıq. Uşaqlara bu gün istirahət verdik. Onlarla toplaşıb bu haqda danışacağıq. Hədəfimiz maksimum dərəcədə yaxşı nəticə qazanmaqdı. Bu məğlubiyyətdən sonra toparlanmağı, kubokda yaxşı oyun göstərməyi düşünürük”.