Türkiyə çempionatında yenidən məşqçi istefası reallaşıb.

Dünən 29-cu tur çərçivəsində ''Fatih Karagümrük'' səfərdə ''Trabzonspor''la qarşılaşdı. Şota Arveladzenin komandası ilk yarıda pis təsir bağışlamadı və 64-cü dəqiqəyə qədər hesab 1:1 idi. Amma Trabzon təmsilçisi qalan müddətdə 4 qol vuraraq 5:1 hesablı parlaq qələbə qazandı. Arveladze oyundan sonra sürpriz şəkildə istefa verdiyini açıqladı. Beləcə gürcüstanlı mütəxəssis futbolçu kimi əfsanəsi olduğu kluba qarşı oyundan sonra istefa verdi. Şota bu vəzifəyə dekabrın ortalarında Alpaslan Ərdəmin istefasından sonra gətirilmişdi. Komanda bu mütəxəssisin başçılığı altında keçirdiyi 17 rəsmi oyundan 6 qələbə, 3 heç-heçə, 8 məğlubiyyətlə ayrılmış oldu. ''Fatih Karagümrük''ün ölkə kubokunda keçirdiyi hər 3 oyunda qalib gəlməsini xüsusi vurğulamaq olar. Xatırladaq ki, bu komanda fevralın 29-da səfərdə ''Qalatasaray''ı 2 cavabsız qolla məğlub edərək adını kubokda yarımfinala yazdırmışdı.

ƏLİ