“Fasilə bizim üçün yenilənmə prosesi oldu. Komandanın ardıcıl məğlubiyyətlərinə görə bəzi oyunçularla yollarımızı ayırmalı olduq. Gənc oyunçularla mübariz heyət formalaşdırmağa çalışdıq. Dövrə arasında oyunçu tapmaq çətin olsa da, heyəti qura bildik. Hazırda 21 oyunçumuz var. Klubda prezident dəyişikliyindən sonra heç bir maddi problemimiz qalmayıb. Bu mövsüm üçün hədəfimiz daha yuxarı pillələrə qalxmaqdı. Gənc oyunçularla gələn mövsümün heyətini qurmağa çalışırıq. İddia, özgüvən, inam yoxdusa, heç nədən danışmaq olmaz. "Şəfa" köklü, tarixi olan klubdu. Bizlər də tədricən daha yaxşı işlər görərək bu klubun yüksəliş perioduna töhfə vermək istəyirik. Klubun birinci dövrədə itrilən xallara görə bu mövsüm 1-ci liqaya yüksəlməsi mümkün deyil. Amma komanda, məşqçilər korpusu, futbolçular olaraq, əl-ələ verib, futbol adına daha yaxşı işlər görürük. Zamanla hər kəs də görəcək”.