“Layihə rəhbərlərinin niyyəti xoşdu. Görüşümüz çox səmimi və faydalı alındı. Toplantıda Əsgər Abdullayev, Şakir Qəribov və Yaşar Vahabzadə də iştirak etdi. Klubla bağlı bəzi rəsmi sənədlərin hələ də tapılmaması bizi məyus etdi. Təəssüf ki, məşqçi kollektivi olaraq bizdə “Şəfa”ya aid hər hansı sənəd yoxdu. Güman edirəm ki, klub rəhbərliyinin tez-tez dəyişməsi və üzərindən uzun müddət keçməsi belə çatışmazlığa yol açıb. Ümumilikdə onu deyə bilərəm ki, “Şəfa”nın bərpası çox yaxşı haldı. Bu layihənin inkişafı üçün mənəvi dəstəyimizi əsirgəməyəcəyik. Ümumiyyətlə, Azərbaycan futbolunun daha yüksək inkişaf mərhələsinə çatması üçün əlimizdən gələn hər şeyi etməliyik. Ümid edirəm ki, “Şəfa” tezliklə həm ölkə daxilində, həm də xaricdə diqqət mərkəzində olacaq. Necə ki, daha əvvəl sözügedən klub bizi yetərincə sevindirib. Vaxtilə yığmanın özəyini təşkil edən komanda avrokuboklara da vəsiqə qazanmışdı. İnşallah, “Şəfa” həmin tarixi uğurlara yenidən imza atacaq”.