“Şəfa” olaraq çox gərgin keçən və bizim üçün bir çox səbəblərə görə heç də uğurlu olmayan ilk dövrəni başa vurduq. İlkdövrə ərzində baş məşqçimizlə yollar ayırıldı, klub olaraq ciddi maliyyə problemi ilə qarşılaşdıq, çox gənc oyunçulardan ibarət heyətimizin olması və təcrübə əskikliyi üzündən ardıcıl uğursuz nəticələr yaşadıq. Bəzən sevindik, bəzən məyus olduq. Lakin ümumilikdə “Şəfa” ailəsi olaraq böyük təcrübə topladıq. Artıq 2 aylıq qış fasiləsindən sonra ikinci dövrəyə başlayacağıq. Klubumuz üçün sevindirici yeniliklər yaşanmaqdadı. Bunlardan biri də odu ki, daha əvvəllər AZAL, “Turan”, “Sabah”, hətta “Real”da akademiya təcrübəsi belə keçmiş Elşad Məmmədov artıq klubumuzun baş məşqçisi olacaq. Onun təcrübəsindən faydalanaraq komandamızın yeni üzvləri ilə birlikdə ikincidövrədə əla işlər görəcəyimizə inanırıq. “Şəfa” ailəsinə xeyirli olsun!”.

“Şəfa” köklü klubdu. “Şəfa”nı tədricən əvvəlki əzəmətinə qaytaracağıq. Artıq bu yöndə işlər başlayıb. Klubda bir çox məsələlər vardı ki, demək olar ki, yarısını həll etmişik. Komanda sonuncu pillədədi, çox xal itirilib. Bunları kompensasiya edəcəyik. Bura bilincli gəlmişəm. Hara gəldiyimi də bilirəm, məni gözləyən çətinlikləri də. İlk hədəf komandanı layiq olmadığı yerdən yuxarılara qaldırmaqdı. Məndən öncəki məşqçilər və gördükləri işlər haqqında danışmaq istəmirəm. Onlara karyeralarında uğurlar arzulayıram. Köhnə heyətdən 3-4 futbolçu saxlayıram. Digər oyunçularla yollarımızı ayırdıq. Artıq yeni və daha güclü heyət formalaşdırmağa başlamışıq. Futbolçuların əməyinin qiymətləndirilməsi fərqli üslubda olacaq. İnşallah, bu komandaya daha çox xeyir verəcək. 6-cı yeri tutmaq istəyirik”.

“Klubumuza yeni qoşulan bir sponsorumuz var. Bir sponsorla da danışıqlar aparırıq. Nə qədər çox maliyyə olması o qədər də keyfiyyətli futbolçu deməkdi. Həm oyunçular baxımından, həm də şərait baxımından, maliyyə nə qədər çox olarsa, keyfiyyət də yüksək olar”.