“Bəli, təəssüf ki, işlər yolunda getmir. Lakin bu gözlənilən idi. Təcrübəli futbolçuları heyətə cəlb etmək üçün yetərli büdcəmiz yoxdu. Futbolçuları akademiyamızdan və əvəzedici komandamızdan götürmüşük. Etiraf edirik ki, onların performansı rəqiblərdən çox geri qalır. Mövsüm başlayan qədər cəmi iki yoldaşlıq oyununda birlikdə olmuşdular. Sonra rəsmi matçlar başladı. Yavaş-yavaş toparlanmağa çalışırıq. Oyunçuların bir-birini tanıması və tərzlərinə uyğunlaşması üçün məşqlərin sayını artırmışıq. Şükür Allaha, dünənki oyunda bunun bəhrəsini gördük. Qaneedici nəticələr qazanmaq üçün komandaya zaman lazımdı. Üstəlik başqa klublar kimi yüksək əməkhaqqı vermək iqtidarında deyilik. Bilirik ki, futbolçularına hər 500-600 manat ödəyən komandalar da var”.

“Maliyyə dayaqlarımızı gücləndirmək məqsədilə bəzi şirkətlərlə danışıq aparırıq. Hələ ki rəsmi anlaşma olmadığından nəticəni gözləyirik. Bu yaxınlarda “Khalifa Tekstil” forma, “Daşlıqaya” isə su sponsorumuz oldu. Yeniliklər etməyə çalışırıq. Kimləsə anlaşa bilməsək belə, bu mövsümün sonuna qədər lazımi vəsaitimiz var. Amma problemlərin tezliklə aradan qaldırılması bizi hədəflərə yaxınlaşdıracaq”.