“Dövlət himniniz mənim üçün bir az qəliz və çətin görünə bilər” - “Football-plus.az” xəbər verir ki, bu sözləri bu gün keçirilən mətbuat konfransında “Neftçi”nin xorvatiyalı futbolçusu Filip Ozobiç deyib:

- Premyer-liqada ikinci yer uğrunda mübarizə və ölkə kubokunu qazanmaq barədə nə deyə bilərsiz?
- Azərbaycan kubokunu qazanmaq, həmçinin çempionatda ikinci yeri tutmaq şansımız var. Bu mövsüm üçün bunu bacarmaq olar. Məqsədimiz isə çıxdığımız oyunları qazanmaq və azarkeşlərimizi sevindirməkdi.

- Yığmamızın Millətlər Liqasındakı rəqibləri barədə nələr deyə bilərsiz?
- Fikrimcə, çox yaxşı rəqiblərimiz var. İsveç və Slovakiya komandaları inkişaf edir. Estoniya yığmasına qarşı da mübarizə aparmışıq. Rəqiblərin hər biri ilə yaxşı oynaya bilərik.

- Bu gün keçiriləcək “Qarabağ” - “Braqa” matçı üçün proqnozun nədi?
- “Braqa” çox ciddi komandadı. “Qarabağ” ilk matçda yaxşı nəticə göstərdi. Çətin oyun olacaq. Ancaq “Qarabağ”ın növbəti mərhələyə çıxacağına inanıram.

- “Neftçi” “Spartak”la yoldaşlıq oyunu keçirəcək. Sabiq komandanızla görüş barədə nə düşünürsüz?
- Bəli, vaxtilə “Spartak”da çıxış etmişəm. Onların heyətində 3-4 oyuna çıxmışam. Çox yaxşı klubdu. Belə komanda ilə oynamaq yaxşı hissdi.

- “Dinamo”nun futbolçuları ilə komanda yoldaşın Mahir Emreli barədə söhbətiniz olub?
- Mahir özü orda çıxış edir. Onunla bağlı kiminləsə də danışmamışam. Amma Xorvatiyada olanda Mahirlə görüşmüşəm. O, komandasından razı idi. Fikrimcə, Emreli “Dinamo”da potensialını tam açmayıb.

KAMAL SƏFƏR