“Qarabağ Ordu” “İmarət”in yanında olmaq istəmir
Bu gün axşam Tofiq Bəhramov adına Respublika stadionunda “Qarabağ”ın "Braqa"ya qarşı pley-off oyunu var. Artıq bütün biletlər satılıb.
Xəbər verdiyimiz kimi, “İmarət” bir oyun üçün də olsa, “Qarabağ Ordu” ilə birləşmək təklifini yaxın buraxmamışdı. Eyni sualla “Qarabağ Ordu” azarkeş qrupuna da müraciət etdik. Görəsən, onlar eyni sektorda əyləşmək, birlikdə azarkeşlik etmək fikrinə necə baxır? “Qarabağ Ordu” “Football-plus.az”a belə cavab verdi:
“Hər qrup öz işini görür. Biz əvvəldən "Braqa" ilə oyunda "İmarət"lə birləşməyə yaxın durmuruq. Belə şey mümkün deyil”.
GÜNAY SÜLEYMANOVA
