"Belə stadionda oynamaq xoş oldu. Çünki Sumqayıt şəhər olaraq haqq edirdi bu cür stadionu. Premyer-liqanın bütün klublarında bu cür stadionların olması, çempionatımıza rəng qatacaq. Qışdan sonra ən yaxşı komandaya qarşı oynayırdıq. "Sumqayıt" qış fasiləsindən sonra yaxşı start vermişdi. "Neftçi"ni də məğlub etmişdilər. Bu gün qol olmasa da, meydanda hər saniyə mübarizə getdi. Taktiki savaş oldu. Futbolçularım yaxşı çıxış etdi. Hücumda bir az da soyuqqanlı olsaydıq... Ən yaxşı epizodlar bizdə oldu. Bu dəqiqə çempionatın önəmli anındayıq. Həm rəqibi uzaqlaşmağa qoymadıq, özümüz də həmin yerlərə qalmağa çalışırıq. Gələcək oyunlara hazırlaşacağıq. "Sumqayıt"a da uğurlar.

İnanın, bu gün keçirdiyimiz oyun Türkiyə stadionlarının birində, dolu tribunalar qarşısında keçirilsə.. Bizim futbola yaxşı meydançalar lazımdı. Görünüş də önəmlidi. Futbolumuzun inkişafını istəyiriksə, bunların hamısı şərtdi. Paltardəyişmə otağına girirsən, müasir, geniş, hər bir şərait var. Legionerlər də gəlir futbolumuza. Elə stadionlarımız var ki, futbolçularımız bir-birimizə deyir ki, balaca o tərəfə çəkil, rahat dəyişək. Bunların hamısı vacibdi. Biz də istəyərik ki, ümid edirəm, Tovuzda, Gəncədə, bölgələrdə belə stadionlar olacaq".