Dieqo Kostanın yeni iş yeri müəyyənləşib. Təcrübəli futbolçu bundan sonra da Braziliyada çıxış edəcək.

“Football-plus.az” xəbər verir ki, sonuncu iş yeri “Botafoqo” olan İspaniya yığmasının sabiq hücumçusu ötən il formasını daşıdığı Rio de Janeyro klubundan azad agent kimi ayrılmışdı. O, bu dəfə “Qremio” ilə anlaşıb. 35 yaşlı Dieqo Kosta daha əvvəl “Braqa”, “Penafyel”, “Selta”, “Albasete”, “Valyadolid”, “Atletiko”, “Rayo Valyekano”, “Çelsi”, “Atletiko Mineyro” və “Vulverhempton”da da çıxış edib. Onun İspaniya yığmasında 2014-18-ci illərdə 24 oyuna 10 qol vurduğunu da xatırladaq.