Romelu Lukaku birillik icarə əsasında çıxış etdiyi “Roma”da qala bilər.

“Football Italia”nın məlumatına görə, “Roma” rəhbərliyi belçikalı forvardın oyunundan razıdı və onu komandada saxlamaq istəyir. Amma paytaxt klubu üçün təzminat qiymətini ödəmək çətin olacaq. Çünki Lukakunun müqavilə ilə məxsus olduğu “Çelsi” ona görə 43 milyon avro tələb edir. “Roma” bu məbləği yalnız Çempionlar Liqasına vəsiqə qazanacağı halda ödəyə biləcək.

Yeri gəlmişkən, o, bu mövsüm komandada bütün turnirlərdə 26 oyuna çıxıb, 15 qol vurub və 2 məhsuldar ötürmə edib.