İspaniya “Qran-pri”si Barselonadan Madridə köçdü
“Formula-1”in saytı xəbər verir ki, İspaniya “Qran-pri”si 2026-cı ildə Madriddə keçiriləcək. Bu qaynağın xəbərinə görə, müqavilə müddəti 2035-ci ilə qədərdi. Madrid trassının uzunluğu 5,47 kilometrdi. Trassa həm küçə, həm də küçə olmayan hissələr daxildi. Təsnifat mərhələsini qət etməyə 1 dəqiqə 32 saniyə sərf olunacağı gözlənilir, trassın tutumu isə 100 min azarkeşdən artıq olacaq.
"Football-plus.az" xəbər verir ki, Madridlə bağlı qərar Barselonanın “Formula-1” üzrə dünya çempionatının təqvimindən tam çıxarılacağı anlamına gəlmir. Barselona trassının gələcəyi də müzakirə olunacaq.
“Formula-1”in rəhbəri Stefano Domenikali İspaniya mərhələsinin yerinin dəyişməsi haqda danışıb:
“Madrid heyrətləndirici idman və mədəniyyət irsinə sahib olan qeyri-adi şəhərdi. Bugünkü elanımızla “Formula-1” üçün İspaniyada yeni və cəlbedici fəsil açılır. Yarışın promouteri olan “IFEMA MADRID” komandasına, Madridin regional hökumətinə və şəhərin merinə fantastik təklifə görə təşəkkür etmək istəyirəm”.
Xatırladaq ki, İspaniya mərhələsi 1951-ci ildən “Formula-1” təqvimində var. Həmin mərhələ 1991-ci ildən indiyə qədər Barselonadakı avtodromda keçirilir.
Digər xəbərlər
