“Kəpəz” qərarını dəyişdi, gözlənilməz dəyişikliyə əl atdı – RƏSMİ
“Adame Nianeylə yolları ayırmamaq qərarına gəldik. Düşündük ki, özünü toparlasa, komandaya fayda verə biləcək”.
Bu sözləri “Football-plus.az”a açıqlamasında “Kəpəz”in baş məşqçisi Adil Şükürov deyib. Mütəxəssis Amil Yunanovun transfer edilməsindən sonra hücumçu mövqeyində rəqabətin artmasından bəhs edib:
“Əvvəlki heyətdə ciddi mübarizə şəraiti yox idi. Şükür Allaha, indi vəziyyət müsbətə doğru dəyişib. Əslində Nianeylə söhbətdə onunla yollarımızı ayıracağımızı demişdik. Çünki müəyyən mənada gerilədiyi ortada idi. Yekun qərarımız o oldu ki, işinə daha ciddi yanaşsın və rəqabətdə geri qalmamaq üçün əlindən gələni etsin. Qısası, yoluna bizimlə davam edəcək”.
Adil bəy qapıçı Vladislav Vasilyuçekin də taleyinə toxundu:
“Hələ ki komandada saxlamağa məcburuq. Getmək istəmir və haqlıdı. Onun da hüquqları var, buna hörmətlə yanaşırıq. Hazırda əvəzedici heyətlə birgə məşq edir”.
KƏNAN BAHADIR
Digər xəbərlər
