“Əlbəttə, deyəcəklərim məhz bu matçla bağlıdı. Bir neçə tur sonra yaxşı və ya pis mənada hansısa dəyişiklik ola bilər. Uzun müddət sonra ilk dəfə “Neftçi”nin köhnə ruhundan epizodlar gördük. Bütün futbolçular meydanda can qoydu. Ən bəyənmədiyimiz oyunçular belə fərqli – istəkli, mübariz çıxış etdi. Bojoviç belə davam etməlidi. Nəticə qane etməsə də, oyun tərzi, sürət, qol vurmağa çoxsaylı cəhdlərin olması bizi çox sevindirdi. Ümid edirik ki, növbəti oyunlarda daha artığını görəcəyik. Diqqətçəkən məqamlardan biri də məhz Bojoviçin müəyyən tapşırıqları verməsiydi. Mutunun dönəmində hamı meydanda yaşananlara müdaxilə etməyə çalışırdı. Nəticədə qarışıqlıq yaranırdı, futbolçular çaş-baş qalırdı. Emin Mahmudov başda olmaqla, bütün futbolçular indi nə edəcəyini bilirdi. Bunu söhbət etdiyim oyunçular da mənə etiraf edib. Deyirlər ki, indi komandada fərqli ab-hava hökm sürür. Bilirik ki, baş məşqçi bizdən nə tələb edir, nə istəyir... Məncə, Bojoviç getdikcə daha yaxşısını etsə, “Neftçi”nin tarixində iz buraxa bilər”.