“Faiq müəllimin necə mütəxəssis olduğu hamıya bəllidi. İstər klub, istərsə də milli səviyyəsində voleybolumuzun inkişafı onun adı ilə bağlıdı. Yığmamızın qazandığı ən yaxşı nəticələr də onun məşqçi olduğu vaxtlarda olub. Düşünürəm ki, bu qərar millimiz üçün uğurlu olacaq. Bir komandada dəyişikliyi, sistemi, taktikanı məşqçi müəyyənləşdirir. Oyunçular da həmişə məşqçinin qoyduğu tapşırıqları yerinə yetirməyə çalışır. Milli komandamız Qızıl Avropa Liqasında çıxış edəcək. Düşünürəm ki, maraqlı oyunlar olacaq. İndidən heyət barədə danışmaq düzgün olmaz. Hələ milli komandaların oyunlarına bir neçə ay var. Hər bir məsələ vaxtı gələndə aydınlıq tapar”.