“Faiq Qarayev voleybolumuzun bir nömrəli mütəxəssisidi. Bu işi öz üzərinə götürübsə, ona dəstək vermək lazımdı. Federasiya və AGİN ona şərait yaratmalıdı. Ən əsası milliyə maliyyə dəstəyi olmalıdı. Belə olan halda voleybolumuz irəli addım ata biləcək. Dəyişiklik normal haldı. Başqa məşqçilər də millidə işləyiblər. Bizim milli bir neçə dəfə AÇ-nin mükafatçıları sırasına düşməyə yaxın olub, amma düşə bilməyib. Gələcəkdə medal qazana bilsək, bu böyük uğur olacaq”.

“Legioner məşqçilərin gətirilməsi daha çox maliyyə xərci tələb edir. Faiq Qarayevə Ataman Güneyligilə verilən puldan daha az məbləğ verilir. Federasiya üçün də yerli baş məşqçinin olması daha yaxşıdı. Faiq Qarayevin yığmaya qayıdışı bu baxımdan yaxşıdı ki, millini tanıyır, mentallığa bələddi və voleybolçularımızın nəyə qadir olduğunu bilir. Buna görə uyğunlaşma prosesi yaşamayacaq. Ataman Güneyligil 3 aylıq müddətə baş məşqçi təyin olunmuşdu. Federasiya özü də qəbul edir ki, bu qədər qısa müddətdə nəticə qazanmaq mümkün deyildi. Dünyanın ən yaxşı baş məşqçisi gəlsə belə, 3 ay ərzində yüksəliş, uğur qazanmaq mümkün deyildi. Bildiyimiz kimi, əcnəbi məşqçilər uyğunlaşma problemi yaşayır. Faiq Qarayevdə bu baxımdan problem olmayacaq. Amma bu o demək deyil ki, Faiq Qarayev uğur qazanacaq. Biz AÇ-nin qrup mərhələsindən çıxıb, yarımfinala kimi gedəcəyik. Əldə olan material buna deməyə əsas vermir. Faiq Qarayev açıqlamasında bildirdi ki, üç kubalı legioner vaxtilə bizim pasport və soyadımız ilə "Rabitə"də oynayıb. Həmin kubalılar yenidən milliyə cəlb oluna, legionerlərin hesabına uğur qazana bilərik. Bununla belə, voleybolnda öz yetirmələrimizi böyüdüb, inkişaf etdirməliyik. Bunun üçün də Şahin Çatma adlı mütəxəssis cəlb olunub. O aşağı yaş qruplarından ibarət yığmalarda əlaqələndirici funksiyasını yerinə yetirir. Faiq Qarayev və Şahin Çatma bu məsələləri bir yerdə işləyəcəklər. Təbii ki yığmada uğursuzluqlar üzərindən tənqidlər olacaq. Faiq Qarayev də bildirib ki tənqidlərə hazıram. Amma ən azı bir il işləməlidi. Belə başa düşdük ki, müqavilədə müddət göstərilməyib. Federasiya prezidenti Şahin Bağırov sonradan bildirdi ki müqavilənin müddəti azı növbəti AÇ-nın sonuna kimidi. Ümid edək ki, voleybolumuzda yenidən qığılcımlar görəcəyik”.