"Açığı, futbol ilə bağlı heç bir arzum olmadı. Yeni yaşımda arzum o idi ki, xalqımız, yaxınlarımız, bizi sevənlər 2024-də sağlamlıqla bağlı heç bir problem yaşamasın. Sağlamlıq durumu yerində olarsa, qalan hər şeyə qadir və hər çətinliyin öhdəsindən gələn insanlarıq".

"Mənim gördüyüm iş nəzəriyyədən daha çox praktikidi. Meydançada oluruq, məşqlər keçirik və məşqlərin keçirilməsində nələri yaxşılaşdıra bilərik – bunları müzakirə edirik. Müstəqil məşqçi kimi çalışmağım hazırda mümkün deyil. Çünki biz kursları buraxıb getsək, ölkədə maariflənmə dayanmış olacaq. Özümüzü tərifləmək kimi olmasın, amma indiki zamanda bizi əvəz edə biləcək biriləri yoxdu. Gərək xaricdən kimisə gətirsinlər. Yerlilərdən maarifləndirmədə 3-4 nəfər varıq ki, bizi dəyişmək qeyri-mümkündü. Artıq 10 ildən çoxdu UEFA ilə sıx əməkdaşlıq edirik. Orda olan bütün gedişləri, maarifləndirmə istiqamətlərində hər bir xırdalığı, federasiyanın nə istədiyini bilirik. Bizdən sonra gələnlər hardasa 5 ilə bunu mənimsəyəcəklər. Hazırda çıxmaq şansım yoxdu. İstəsəm belə, yarımçıq qoyub qaçmağın yeri yoxdu. Bu səbəblərə görə hələ ki bu barədə düşünmürəm. Yaşımız artıq gəlib keçir. Nə vaxtsa bitirməli olacağıq. Kimlərisə yetişdirməliyik ki, bizdən sonra bu işi davam etdirə bilsinlər".