“Bu mövsüm qeyri-adidi. Əvvəlki illərə nisbətən fərqlənir. Marketinqin aktiv olacağını düşünürəm. Məsələn, “Neftçi”də baş məşqçi dəyişikliyi oldu. İstər-istəməz dəyişikliklər olacaq. “Kəpəz”də həmçinin yeni baş məşqçi var. Bu baxımdan trasnfer fasiləsi fəal olacaq. Mən həm lider, həm də autsayder komandalardan çoxlu transfer gözləyirəm. Öz dəftərçəmdə müəyyən oyunçular var ki, klublarla danışıq aparırıq. Yerli futbolçuların xaricə transferi məsələsinə gəlincə, əsasən Baltikyanı ölkələrə keçidlər ola bilər. Çünki onların ölkələrində çempionat başa çatıb. Onlarla daha çox U-21 yığmamızda oynayan futbolçularla bağlı müntəzəm danışıram”.