Autsayder 13 transfer etməyi düşünür
Futzal üzrə ölkə çempionatında "Alyans"ın biabırçı çıxışı davam edir.
Hazırda turnir cədvəlinin zirzəmisində olan komanda son oyunlarda 15-20 top buraxmaqla basketbol hesabıyla darmadağın olur. "Football-plus.az" saytı olaraq belə fiaskolu çıxışın səbəbini aydınlıq gətirmək üçün klubun direktoru Məhəmməd Hüseynovla əlaqə saxladıq: "Hazırkı çıxışımız bizi çox məyus edir. Böyükhesablı məğlubiyyətlərlə məğlub oluruq. Bunun başlıca səbəbi heyətimizdə əksər oyunçuların, özü də təcrübəllilərin zədəli olmasıdı. Hətta 2 aparıcı futbolçumuz - Rasimlə Almin zədə üzündən karyeralarını bitirmək üzrədilər. Qalan oyunçularımız isə yetərincə təcrübəsi olmayan gənclərdi. Zədəlilərimiz sağalmadıqca və yeni transferlər olmadıqca işimiz çətin olacaq. Çempionatda fasilə yaranması və "transfer pəncərəsi"inin açılmasıyla heyətimizdəə yeni futbolçular cəlb ediləcək. 10 futbolçu transfer etməyi və 3 oyunçu icarəyə götürməyi düşünürük. Sıralarımıza qatacağımız 10 oyunçudan 4-ü ilə razılığa gəlmişik, 3 nəfərlə də danışıqlar davam edir".
ABDULLA İSMAYILOĞLU
Digər xəbərlər
