Bazar günü rumıniyalı çalışdırıcı Adrian Mutuyla uğursuz nəticələrə və bəzi şəxsi səbəblərə görə yollarını ayıran “Neftçi” rəhbərliyi yeni baş məşqçisi Midroq Bojoviçlə müqavilə imzalayıb.

“Football-plus.az” xəbər verir ki, yeni çalışdırıcı ilyarım (1 il+6 ay) flaqmanın sükanı arxasında olacaq. Bəs Miodroq Bojovic kimdi? İndiyə qədər hansısa uğurları olubmu?

Miodroq Bojoviç 1968-ci ildə Monteneqronun Moykovaç şəhərində anadan olub. Futbolçu karyerasına 18 yaşında “Buduçnost”da başlayıb, “Srvena Zvezda”, “Pelita Caya”, APOP, “Velveyk”, “Avsispa Fukuoka” və “Rozendal” kimi klubların formasını geyib. Futbolçu kimi mərkəz müdafiəçisi mövqeyində çıxış edən Bojoviç, sadəcə, “Srvena Zvezda” ilə Yuqoslaviya kubokunu qazanıb.
Menecerlik karyerasına Serbiyanın “Belqrad” klubunda başlayan mütəxəssis məşqçilik etdiyi 23 ildə daha 19 komandaya rəhbərlik etməyi bacarıb. O, Serbiyada "Borats", "Obiliç", "Hayduk" ( Belqrad), "Srvena Svezda", Cənubi Kiprdə AEL, Monteneqroda "Buduçnost", "Qrbal", Rusiyada "Amkar", "Moskva", "Dinamo", "Rostov", "Lokomotiv", "Arsenal", "Krılya Sovetov" kimi klublarda işləyib. "Amkar” 2008-ci ildə onun rəhbərliyi altında tarixində ilk dəfə Avropa Liqasına vəsiqə qazanıb. Bojoviç 2013/14 mövsümündə "Rostov"la Rusiya kubokunun, 2015/16 mövsümündə "Srvena Svezda" ilə Serbiya çempionluğunu qazanıb. Baş məşqçi kimi sonuncu dəfə 2021/22 mövsümündə Tula "Arsenal"ına rəhbərlik edib.