Joze Mourinyo növbəti qeyri-adi hərəkəti ilə diqqəti cəlb edib.

“Roma”nın baş məşqçisi A seriyasının 15-ci turunun “Fiorentina” ilə oyununda (1:1) çoxlarını təəccübləndirə bilib.

64-cü dəqiqədə Nikola Zalevski, 87-ci dəqiqədə isə Romelu Lukaku qırmızı vərəqə alaraq “Roma”nı meydanda 9 nəfərlə qoyublar. Özünü itirməyən Mourinyo 89-cu dəqiqədə qapıçı Ruy Patrisioya taktiki tapşırıq yazdığı vərəq göndərib. Maraqlıdı ki, bu kağızı qapıçıya topdaşıyan çatdırıb. Baş məşqçi qapı xəttinin arxasına topdaşıyandan başqa heç kimin gedə bilməyəcəyi üçün belə qərar verib. O, vərəqdə ucaboy Lukakunun yoxluğunda künc zərbəsi zamanı qapını qorumaq üçün Stefan Əl-Şaaravi və Eduardo Bovenin yardımından istifadə etmək lazım olduğunu qeyd edib.

Patrisio oyundan sonra KİV-ə açıqlamasında Mourinyo ilə çox maraqlı olan bu anın xatirəsi olaraq həmin kağızı qoruyub saxlayacağını deyib.

Joze Mourinyo növbəti qeyri-adi hərəkəti ilə diqqəti cəlb edib. “Roma”nın baş məşqçisi A seriyasının 15-ci turunun “Fiorentina” ilə oyununda (1:1) çoxlarını təəccübləndirə bilib.