Konor prezidentliyə namizəd olacaq?
Mütləq döyüş çempionatının (UFC) sabiq çempionu Konor Makqreqor İrlandiya prezidenti vəzifəsinə seçkidə iştirakının mümkünlüyü haqda danışıb.
"Football-plus.az" xəbər verir ki, İrlandiyada növbəti seçki 2025-ci ildə keçiriləcək, bu ölkədə prezident 7 il müddətinə seçilir. İyulun 14-də 35 yaşını tamamlayan məşhur idmançının fikirləri:
“Namizədliyimi versəm, potensial rəqiblərim bunlardı: Cerri Adam – 78 yaş, Berti Ahern – 75 yaş, Enda Kenni – 74 yaş. Bunların hər biri öz partiyasının siyasəti ilə ayrılmaz şəkildə bağlıdı. Bu partiyalar özlərini idarə edirlər, adamları yox”.
Gəncliyini və fəallığını, həmçinin dinləmək bacarığını xüsusi vurğulayan Konor X sosial şəbəkəsindəki hesabında bu sözləri də yazıb:
“Əmin olmaq üçün səsvermə hər həftə keçiriləcək. Mən bunu maliyyələşdirə bilərəm. Hakimiyyətdə prezident kimi mən olmayacam, İrlandiya xalqı olacaq”.
Noyabrın sonunda İrlandiya polisinin məşhur idmançı ilə bağlı araşdırma apardığı xəbər verilmişdi. Sosial şəbəkələrdə onun İrlandiyadakı başıpozuqluğu dəstəkləmədiyi, ancaq islahatlara çağırdığı ilə bağlı paylaşım yer almışdı.
Xatırladaq ki, Konor MMA çərçivəsində keçirdiyi döyüşlərin 22-də qalib gəlib, 6-da uduzub. O, 2021-ci ilin iyuluna təsadüf edən sonuncu döyüşdə Dastin Poryeyə rəqib olub. Onda da ayağı zədələndiyinə görə texniki nokautla uduzub.
Digər xəbərlər
