"Komandanın uğurlu nəticələri nə Amit Quluzadənin gedişi, nə də mənim qayıdışımla bağlıdı. Biz hələ də Amitin yaratdığı, qoyub getdiyi taktikayla oynayırıq. Həmyerlimiz də harda olmasından asılı olmayaraq, gözümüzdə daim dəyərlidi. Onun komandamız üçün etdiyi fədakarlığı da unutmamışıq. Sadəcə, qara zolaqdaydı. Bu da hər komandada baş verən haldı. Futbolçularla bir neçə dəfə söhbət etdik, onlara hər şeyin öz əllərində olduğunu anlatdıq. Yetirmələrimiz də bunu anlayıb meydanda daha fədakarcasına döyüşdülər. Şükürlər olsun, yavaş-yavaş hər şey qaydasına düşür. Amma bu hələ tam potensialımız deyil. Daha yaxşısına layiqik. Çalışacağıq bir qədər də inkişaf edək".