“Bu cür layihələr ətrafında neqativ nəsə yazmağı qəti istəməzdim. Çünki ötən il də gördük ki, tədbir çox yaxşı idi. İdmanın PR-ı, xoş rəqabət üçün hətta möhtəşəm idi. Amma... Sorğudakı siyahı federasiyalar və digər qurumların səsləri əsasında formalaşıb. Və burda "ARB24 İDMAN"ın adı yoxdu.
Halbuki: bu ilin ilk 6 ayı ARB24-də həftənin 5 günü yayınlanan idman verilişi olub. Həmin verilişin 50-60 faizi ölkə idmanının təbliğinə həsr olunurdu. Bu qeyri-idman tv-ləri arasında ilk idi. Gün ərzində 4 dəfə idman buraxılışı ilə efirə çıxırıq. Həftəsonu yayımlanan müsahibə formatlı idman verilişimiz var. Təkcə tədbirlərin çəkilməsi ilə kifayətlənməmişik, həm də milli komandaların məşqlərindən reportajlar, yarışqabağı və sonrası müsahibələr, araşdırmalar təqdim etmişik. Ayrı-ayrı idman növləri üzrə problemləri araşdırıb ictimailiəşdirmişik. Bakıdakı bütün yarışlardan canlı bağlantılar, xaricdəki yarışlardan onlayn müsahibələr etmişik. ARB24 reytinqdə bir çox hallarda şou kanallarından sonra lider olur və s. Ən azı iş otağımızdakı həmkarlarım şahiddi. Bu mövzuda zərrə qədər də əsəbi deyiləm. Bu sorğunun ilk nəticələrinə də baxanda gülümsədim. Təkcə "ən yaxşı idman media qurumu" nominasiyası yox, digər adlarla bağlı da anlaşılmaz qərarlar çoxdu. Bizim uşaqlardan ən azı ikisi fəal idman jurnalistləri sırasına ola bilərdi. Bəlkə də yeganə televiziyayıq ki, həftə ərzində 15-ə yaxın idman reportajı veriririk. Bu onların zəhməti ilə reallaşır. Sözsüz ki, belə də davam edəcək. Çünki işimiz bu tədbirə hesablanmayıb. Sadəcə, bəzi məsələr var ki, deməsən olmur. Həm rəhbərliyim, həm işçilərim bu məsələlərlə bağlı çox pozitiv, peşəkar düşünən insanlardı. Amma onlar başqa yanaşmada olsa, nə cavab verəcəkdim? Necə izah edəcəkdim ki, federasiyalardakı dostlarımızın məsuliyyətsizliyinə görə belədi. Biz doğru işlər görürük. Kim inanacaqdı?”