“Nəticə çıxartmaq üçün hələ tezdi. Mənim şəxsi fikrimdi ki, debüt ayları gözlədiyim qədər uğurlu alınmadı. “Yurqorden”i nə qədər yaxından izlədiyinizi bilmirəm. Amma İsveç təmsilçisi Musanın transferindən sonra ən önəmli futbolçularından birini satdı. Bu da komandanın enişinə səbəb oldu. Ümumiyyətlə, biz Musanın müqaviləsini imzalamağa gedən zaman hiss elədik ki, bu mövsüm o qədər də ciddi uğur qazanacaqlarını düşünmürlər. Çempionluq barədə danışılmırdı. Bürünc medalı uğurlu nəticə kimi hiss edəcəkdilər. Avrokuboklara vəsiqə qazanmaq istəyirdilər. Bu arzu hələ də davam edir. Yəni onlar da gələn mövsümü düşünürlər. Yəqin ki, bir neçə transfer də edilər. Bundan sonra daha sanballı komanda olacaq. Belə olan məqamda Musanın işi daha yüngülləşəcək. Vaxt edib araşdırsaz, görərsiz ki, Musa gedənə kimi “Yurqorden” necə performans sərgiləyirdi, indi necə çıxış edir. Komandanın oyununda eniş yaşanıb. Düşünürəm ki, yeni transferlərdən sonra kollektivdə olan futbolçuların da performansında yüksəliş olacaq. Mən hələ də düşünürəm ki, İsveç liqası Musanın oynaya biləcəyi çempionatdı. Bu səbəbdən də növbəti mövsümə ümidlərim böyükdü. Fikirləşirəm ki, Musanın özü də heç bir ümidsizliyə qapılmayıb. Qarşıdakı “futbol ili”, inşallah, uğurlu olacaq. Zədə-filan olmasa, hər şey qaydasında olacaq. Uğursuz olsa, sizin dediyiniz məsələləri düşünmək olar. Amma indi icarəyə verilməsi, başqa klubu satılması aktual deyil”.