“Düşünürəm ki, qrupdakı rəqiblər arasında bizimlə, demək olar ki, eyni səviyyədə olan komandayla qarşılaşacağıq. Matçın səfərdə, meydançanın süni örtüklü olması və hava şəraitinin uyğun olmaması kimi amillər nəticəyə təsir ed bilər. Lakin Qurban müəllimin bunu nəzərə aldığına, ilk matçdan sonra rəqibi bir daha təhlil etdiyinə inanıram. “Köhlən atlar”ın taleyi öz əlindədi. Biz də həmişə olduğu kimi, futbolçulardan çox şey gözləyirik. Çalışdırıcımızın təcrübəsinə və planlarına əminik. Komandamızdan qələbə gözləyirik”.

“Əlbəttə, “İmarət Avropa” fanklubu var. Bakıdan kimin gedib-getmədiyi haqda məlumatım olmasa da, “Qarabağ”ın meydanda özünü tək hiss etməyəcəyinə əminəm. Azarkeş qrupumuzun ordakı üzvləri komandamızı dəstəkləməyə gedəcək. Onların yaxşı təşkilatçılıq edəcəyinə, fanklubun üzvü olmasalar belə, təmsilçimizi dəstəkləyən azarkeşləri birləşdirəcəklərinə inanıram”.