“Allah voleybolumuzu qorusun” - sabiq baş katib “bombaladı”
Azərbaycan Voleybol Federasiyasının (AVF) sabiq baş katibi Fərid Xəlilov qurumun indiki rəhbərliyini tənqid edib.
“Football-plus.az” xəbər verir ki, Xəlilov bu barədə “feysbuk” hesabında paylaşım` edib.
“Yaxşı, ümumiləşdirək... Kişi komandası (“Xarı Bülbül”ü nəzərdə tutur – red.) Çağırış kubokunda minus, qadın komandası (“Azərreyl”i nəzərdə tutur – red.) Çağırış kubokunda minus. 18 yaşadək qızlardan ibarət yığmamız EEVZA çempionatında minus. Və bu hələ yalnız başlanğıcdı. İlk gündən haqqında danışılan ölkə voleybolunun inkişafı strategiyasını heç kim görməyib. Allah voleybolumuzu qorusun”.
Xəlilov daha sonra Yaqub Rəsulov adlı izləyicinin “Sən çox güclü idarə edirdin” rəyini də belə cavablayıb:
“Ən azı üç dəfə aşağı büdcə ilə daha irəli getmişdik, lakin sizə təhlil və həqiqət maraqlı deyil”.
Teymur Zeynalov adlı izləyicinin “Əsas səbəb nədi” sualına isə sabiq baş katib sərt cavab verib:
“Yanlış rəhbərlik və bu hələ başlanğıcdı...”
Qeyd edək ki, Fərid Xəlilov bu ilin aprelində tutduğu baş katib vəzifəsindən azad olunub.
CAVİD ƏLİYEV
Digər xəbərlər
